Ol Miting Bilong Wok

Wik i Kirap Long Mas 11

Singsing 2

13 min: Ol toksave bilong kongrigesen. Sampela Toksave bilong Wok Kingdom. Mekim wok long ol tok i stap long pes 8, na mekim tupela soim long pasin bilong tilim nius Wastaua na Kirap! Yupela i ken mekim tupela soim long ol tok i stap long Wok Kingdom bilong las mun sapos i gat wok long mekim olsem. Long wan wan soim, kamapim klia narapela narapela pasin bilong autim tok long man i laik katim tok olsem, “Mi no laik harim.”​​—⁠Lukim buk Toktok Gut, pes 16.

12 min: “Nupela Program Bilong Bikpela De Kibung.” Toktok wantaim ol brata sista na kamapim ol askim. Kolim det bilong bikpela de kibung, na kirapim olgeta long kam long kibung na stap long program olgeta. Tokim ol pablisa long singautim ol nupela man i gat laik long kisim save na ol Baibel-stadi long kam long dispela kibung.

20 min: “Mekim Planti Gutpela Pasin Bilong Helpim Ol Arapela.”a Wasman autim tok bai stori long dispela tok. Kirapim olgeta long wok strong long autim tok bilong redi long mekim Memorial long Mas 28. Stori long olsem wanem ol pablisa inap mekim gutpela wok long pepa bilong singautim ol man i kam long Memorial. Askim ol pablisa long stori long olsem wanem ol i bin singautim ol man i kam long Memorial long las yia, olsem ol wanblut, ol man i sindaun klostu long ol, ol Baibel-stadi, na ol narapela man i laik kisim save, na dispela i bin kamapim wanem amamas. Strongim bel bilong ol brata sista em ol inap mekim wok painia haptaim long Epril long ol i ken kisim aplikesen bihain long miting.

Singsing 82 na beten.

Wik i Kirap Long Mas 18

Singsing 7

10 min: Ol toksave bilong kongrigesen. Ripot bilong ol akaun. Stori long “Ol Samting Bilong Tingim Long Memorial.” Tokim olgeta long bihainim sediul bilong hap bilong Baibel yumi mas ritim long taim bilong Memorial, em long Mas 23-​28, olsem i stap long buklet Skelim Sampela Tok Bilong Baibel Long Olgeta De​​—⁠2002.

17 min: “Amamas Long i Stap Wanbel Wantaim Jehova na Pikinini Bilong Em.” Wanpela elda i mekim dispela tok i kirapim ol brata sista. Kirapim olgeta long wok strong long nau i go inap long Mas 28, long singautim planti man moa long i kam bung wantaim yumi long Memorial.

18 min: “Pas i Kam Long Gavening Bodi.”b Kamapim klia ol bikpela tok na ritim tupela laspela paragraf.

Singsing 45 na beten.

Wik i Kirap Long Mas 25

Singsing 12

14 min: Ol toksave bilong kongrigesen. Tokaut klia olsem i gat taim i stap yet na ol brata sista i laik mekim wok painia haptaim long Epril ol i ken putim aplikesen. Askim ol pablisa na painia long kamapim sampela gutpela ekspiriens ol i kisim taim ol i mekim wok autim tok long dispela mun.

15 min: Sampela tok bilong helpim kongrigesen.

16 min: Mekim Wok Long Buk Toktok Gut Bilong Strongim Bel Bilong Narapela. Toktok wantaim ol brata sista na kamapim ol askim. Olgeta man i mas kisim tok bilong strongim bel bilong ol long sampela taim. Olsem na yumi olgeta i mas pilim olsem em i bikpela samting long “strongim bel” bilong ol narapela, olsem ol man i bel hevi na yumi bungim ol long rot bilong wok autim tok. (1 Te. 5:​14) Mekim wok long buk Toktok Gut, na askim ol brata sista long kolim wanem ol skripsa ol bai kamapim long man i karim wanpela hevi olsem i stap long pes 72-​75. Tokim olgeta wan wan long traim long strongim bel bilong narapela taim ol i luksave olsem narapela i karim wanpela hevi samting.​​—⁠Ga. 6:​10.

Singsing 131 na beten.

Wik i Kirap Long Epril 1

Singsing 27

7 min: Ol toksave bilong kongrigesen. Kirapim olgeta pablisa long putim ripot bilong wok autim tok bilong Mas.

18 min: “Ol Man Olsem ‘Presen’ i Amamas Long Lukautim Ol Manmeri Bilong God.” Wanpela elda i mekim dispela tok. Stori long ol skripsa ol i kamapim. Kamapim olsem wanem pasin bilong ol elda long i go lukim ol man i lusim wok autim tok, na helpim ol lapun long mekim ol samting ol inap mekim, dispela i save kamapim ol gutpela samting. Ol gutpela wasman i save amamas long olgeta wok samting ol dispela lain i mekim bilong mekim yet wok bilong Jehova.

20 min: “Mekim Amamas Bilong Yu Long Autim Tok i Kamap Bikpela.”c Taim yupela i stori long paragraf 5, askim ol brata sista long kamapim sampela tingting long wanem ol gutpela rot bilong mekim gut wok long teritori bilong yupela. Mekim wanpela o tupela soim long olsem wanem yumi inap mekim sotpela tok bilong autim tok long man. Kirapim olgeta long painim rot bilong autim tok long dispela wik.

Singsing 15 na beten.

[Ol Futnot]