Ol Miting Bilong Wok

Wik i Kirap Long Julai 8

Singsing 201

25 min: Ol toksave bilong kongrigesen. Sampela Toksave bilong Wok Kingdom. Wasman siaman bai lukautim dispela hap. Em i lukautim tu hap bilong Askim na mekim olsem wanpela tok na kamapim sampela askim. Helpim odiens long save long i gat wanem ol as na em i bikpela samting long kolim klia na kolim stret ol toksave i kam long Sosaiti. Bihainim ol tok i stap long pes 4 na mekim tupela soim long pasin bilong tilim nius Wastaua na Kirap! Yupela i ken mekim soim na bihainim ol tok i stap long Wok Kingdom bilong las mun sapos i gat wok long mekim olsem. Long wan wan soim, kamapim narapela narapela pasin bilong autim tok long man i laik katim tok na em i tok “Mipela i Kristen Pinis.”​​—⁠Lukim buk Toktok Gut, p. 19.

20 min: Stretim Rot Long Autim Tok Long Kain Kain Taim na Ples. Toktok wantaim ol brata sista na kamapim ol askim long buk Lo, p. 93-94. Bihainim ol tok i stap long pes 5 bilong pepa yumi kisim wantaim Wok Kingdom bilong Janueri 2002, na mekim ol sotpela soim long tupela o tripela pasin bilong autim tok long man yumi no save long em, man i sindaun klostu, wanblut, o pren.

Singsing 139 na beten.

Wik i Kirap Long Julai 15

Singsing 144

10 min: Ol toksave bilong kongrigesen. Ripot bilong ol akaun.

15 min: Sampela tok bilong helpim kongrigesen. O wanpela elda i mekim tok “Yu Ting i Gutpela Pikinini Bilong Yu i Go Long Skul i Gat Ples Slip?” Em i kisim ol tok long Wastaua bilong Mas 15, 1997, p. 25-28. Kamapim ol tok i stret long kongrigesen na kamapim klia ol samting inap bagarapim man long ol samting bilong spirit na stretpela pasin, em ol samting inap painim ol pikinini Witnes i go skul longwe.

20 min: I Gat Ol Gutpela As na Yumi Mas Yusim Baibel Long Wok Autim Tok. Wanpela tok na kamapim sampela askim. Jisas i save long ol skripsa na planti taim em i kamapim ol tok bilong en taim em i skulim ol man. (Lu. 24:​27, 44-​47) Ol samting em i skulim ol man long en i no kamap long tingting bilong em yet, nogat. (Jo. 7:​16-​18) Em i bikpela samting long yumi tu i mas mekim wok long Tok Bilong God. Tok Bilong God i gat bikpela strong moa, winim ol tok yumi yet inap mekim. (Jo. 12:​49, 50; Hi. 4:​12) Ol man i gat gutpela bel ol i laikim Baibel, long wanem, tok bilong en i mekim gut bel bilong ol na helpim ol long wetim gutpela samting bai kamap bihain. Putim mak long ritim wanpela tok bilong Baibel taim yu toktok wantaim man. Kamapim klia olsem ol i putim ol skripsa wantaim ol tok yu ken mekim bilong tilim ol nius long dispela mun. Askim ol pablisa long stori long olsem wanem ol i bin yusim Baibel long taim bilong autim tok, na samting dispela i mekim long ol yet na long ol man ol i bin autim tok long ol.

Singsing 215 na beten.

Wik i Kirap Long Julai 22

Singsing 47

10 min: Ol toksave bilong kongrigesen. Bihainim ol tok long p. 3 bilong Wok Kingdom bilong Jun 1997, na kirapim ol papamama long lainim ol pikinini long kamap strong long wok autim tok.

17 min: “Bungim Ol Manmeri Bilong Olgeta Tok Ples.”a Sapos inap, bihainim ol tok i stap long par. 4 na mekim soim long tok Inglis na Hiri Motu.

18 min: “Litimapim Nem Bilong Jehova Long Pasin Bilong Yumi Long i Stap Klin.” Elda i toktok wantaim odiens na kamapim sampela askim. Bilong pinisim, mekim sotpela tok long ol tok i stap long buk Rot Bilong Famili i Ken Stap Amamas, p. 45-49.

Singsing 61 na beten.

Wik i Kirap Long Julai 29

Singsing 54

8 min: Ol toksave bilong kongrigesen. Kirapim ol pablisa long putim ripot bilong wok autim tok bilong Julai.

12 min: Olgeta Wan Wan Bokis Kontribiusen i Gat Wok Bilong En. Kuskus i toktok wantaim brata i lukautim ol akaun na ol i skelim Askim i stap long Wok Kingdom bilong Me 1999. Kamapim klia olsem ol bokis kontribiusen i stap we na bai ol brata i ken save, na wanem wok bilong wan wan bokis kontribiusen. Ol kontribiusen yumi kisim long wok autim tok, yumi mas putim long bokis kontribiusen i gat nem “Ol Kontribiusen Bilong Helpim Wok Bilong Sosaiti Long Olgeta Hap​—⁠Matyu 24:14.”

25 min: “Stap Wanbel Wantaim.”b Taim yupela i skelim par. 3, kamapim sampela tok bilong Awake!, Epril 22, 2000, p. 9-​10. Long par. 4, kamapim sampela tok bilong Wastaua, Epril 1, 1995, p. 16-​17, par. 4-6.

Singsing 81 na beten.

Wik i Kirap Long Ogas 5

Singsing 38

8 min: Ol toksave bilong kongrigesen.

22 min: Olsem Wanem Mi Inap Soim Gutpela Pasin Bilong Mi Long Ol Narapela? Wanpela elda i mekim wanpela tok na kamapim sampela askim. Em i kisim ol tok long Wastaua, Epril 15, 2000, p. 19-​21.

15 min: Sampela ekspiriens. Askim ol pablisa long stori long sampela ekspiriens ol i bin kisim taim ol i go long kibung distrik, o mekim wok painia haptaim, o mekim sampela narapela wok bilong spirit, olsem helpim wok bilong wokim Haus Kingdom o Haus Kibung.

Singsing 184 na beten.

[Ol Futnot]