Ol Tok Yu Ken Mekim Bilong Tilim Ol Nius

Wastaua Julai 1

“Planti milion manmeri i save yusim ol imis o ol piksa aikon na mekim lotu, tasol planti milion ol narapela manmeri ol i ting dispela pasin i no stret. Sampela taim yumi bin tingting, God yet i gat wanem tingting long dispela samting? [Larim man i bekim tok. Orait nau ritim Jon 4:​24.] Ol dispela stori i soim olsem wanem pasin bilong yusim ol piksa aikon i bin kirap, na Baibel i tok wanem long pasin bilong lotuim ol imis.”

Kirap! Julai-Septemba

“Ol guria inap kamapim ol bikpela bagarap na kilim i dai planti man. Planti taim ol man i abrusim bagarap ol i no gat haus moa, na i no gat rot bilong ol long kisim bek ol samting i lus. Dispela Kirap! i stori long ol lain i bin kisim hevi long guria ol i bin mekim wanem bilong karim ol hevi em guria i kamapim. Na tu, em i kamapim klia olsem wanem ol guria i insait long wanpela bikpela tok profet bilong Baibel.”

Wastaua Julai 15

“Yu ting ol man nogut i kisim strafe long hel? [Larim man i bekim tok.] Baibel i kamapim klia olsem sin i gat wanem strafe bilong en. [Ritim Rom 6:​23a.] Yu ting hel em wanpela ples paia we ol man i save kisim pen? O em i makim tasol olsem man i no inap go klostu long God? Dispela nius i kamapim ol tok bilong Baibel bilong bekim ol dispela askim.”