Ol Tok Yu Ken Mekim Bilong Tilim Ol Nius

Wastaua Julai 15

“Sapos ol i kamapim kain stori olsem [piksa i stap long fran pes bilong Wastaua] long nius long nau, klostu olgeta manmeri bai i no inap bilip long en, a? Yu ting olsem wanem? [Larim man i bekim tok. Bihain ritim Mak 4:39.] Wanem samting i kamapim klia olsem ol mirakel Jisas i wokim i bin kamap tru? Dispela Wastaua i kamapim bekim bilong dispela askim.”

Kirap! Julai-Septemba

“Ol dokta na saientis i bin kisim ol nupela nupela save bilong daunim sik, tasol yu ting wanpela taim inap kamap na bai i no gat sik moa? [Larim man i bekim tok.] Dispela magasin i stori gut olsem wanpela taim bai kamap na olgeta man long graun bai i gat gutpela helt, na dispela bai truim dispela tok promis.” Ritim Aisaia 33:24.

Wastaua Ogas 1

“Ol man i no stap wanbel, olsem na sampela i pilim olsem bilong gutaim na bel isi i ken i stap long olgeta hap bilong graun, olgeta kantri i mas wanbel na i stap aninit long wanpela gavman. Olsem wanem? Yu ting kain samting olsem inap kamap? [Larim man i bekim tok. Bihain ritim Daniel 2:44.] Dispela magasin i stori long ol samting Kingdom Bilong God i mekim long nau na olsem wanem klostu nau em bai kamapim gutaim na bel isi long olgeta hap bilong graun.”