Ol Tok Yu Ken Mekim Bilong Tilim Ol Nius

Kirap! Julai-Septemba

“Long nau, sik ol binatang i kamapim i wanpela bilong ol samting i save nogutim helt bilong yumi. Yu save olsem i gat sampela samting yumi inap mekim bilong lukautim yumi yet? [Larim man i bekim tok.] Dispela nius i stori long ol dispela samting, na tu, em i stori long tok promis bilong Baibel long wanpela taim bai kamap na bai i no gat ol sik.” Bilong pinisim tok, ritim Aisaia 33:⁠24.

Wastaua Ogas 1

“Nau long planti hap bilong graun, bikpela lain manmeri ol i stap rabis. Yu ting i gat rot long stretim dispela hevi? [Larim man i bekim tok.] Dispela Wastaua i stori long rot Baibel i makim bilong pinisim tru dispela hevi bilong i stap rabis.”​​—⁠Ritim Song 72:​12, 13, 16.

Awake! Ogas 8

“Long nau, planti hevi i bin kamap long rot bilong bikpela win ren samting. Yu ting wanem samting inap daunim ol hevi i save kamap long dispela rot? [Larim man i bekim tok.] Dispela magasin i skelim dispela samting na i stori long rot Baibel i makim bilong pinisim dispela hevi.”​​—⁠Ritim Aisaia 35:⁠1.