Ol Miting Bilong Wok

Wik i Kirap Long Ogas 12

Singsing 76

8 min: Ol toksave bilong kongrigesen. Sampela Toksave bilong Wok Kingdom.

20 min: “Ol Mak Bilong Spirit Yu laik Winim.”a Taim yupela i skelim par. 5, mekim ol tok i kirapim ol man long tingim wok painia oltaim. Kisim ol tok long buk Lo, p. 114.

17 min:  “Yumi Gat Nupela Tul Bilong Kirapim Nupela Baibel-Stadi!” Wasman autim tok i toktok wantaim ol brata sista na kamapim ol askim. Tokim ol atendan long tilim long odiens liklik nius Yu Laik Kisim Sampela Save Moa Long Baibel? sapos i gat. Mekim wok long sampela tok i stap long p. 10 na kamapim tupela soim ol i redim gut. Wanpela pablisa bai mekim long Wastaua, na narapela bai mekim long Kirap! Sapos i no gat ol magasin olsem p. 10 i makim, orait kamapim ol tok ol i makim bilong mun i go pinis. Long tupela soim wantaim, bilong pinisim tok bilong em pablisa bai givim dispela liklik nius Save Long Baibel long man bilong haus​—⁠long wanpela soim man bai kisim nius na long narapela nogat. Kirapim olgeta long givim dispela nupela liklik nius long olgeta man ol i bungim long taim bilong autim tok. Askim ol brata sista long kamapim sampela ekspiriens long wok bilong ol long tilim nius Yu Laik Kisim Sampela Save Moa Long Baibel? Sampela i bin kirapim pinis Baibel-stadi?

Singsing 123 na beten.

Wik i Kirap Long Ogas 19

Singsing 182

12 min: Ol toksave bilong kongrigesen. Ripot bilong ol Akaun. Bilong kirapim tingting bilong ol pablisa na painia, ritim ol tok long blok “Mekim Gutpela Wok Long Tilim Ol Buk Samting Bilong Yumi” long p. 9.

15 min: Wanem Samting i Pasim Ol? Askim na bekim na mekim soim. Long wok autim tok bilong yumi, yumi save bungim ol man husat i no laik toktok long bilip bilong ol. Dispela inap pasim yumi long autim tok bilong Kingdom long ol. Sapos yumi luksave long as na man i surik long toktok long ol bilip bilong em, dispela inap helpim yumi long tingim sampela tok i kirapim em long kamapim tingting bilong em. Stori long olsem wanem yumi inap senisim kirap bilong tok taim yumi bungim ol kain man olsem: (1) Man i no tingim lotu i bikpela samting, na em i ting lotu bilong em tu i no bikpela samting. (2) Man i laikim tru ol pasin bilong lotu em famili na ol tumbuna bilong bipo i bihainim. (3) Man i tingting planti long kamapim bilip bilong em, long wanem, Baibel i no helpim bilip bilong em. (4) Man i bel nogut long yumi, long wanem, sampela tok bilong ol man i birua long yumi i giamanim em. Yu ken senisim sampela tok long lista hia bilong kamapim ol tok i stret long teritori na tingting bilong ol man long hap yu stap long en. Mekim sotpela soim long olsem wanem yu inap kirapim man long toktok long ol samting bilong Baibel.

18 min: “Stap Gut Long God Taim Wanblut i Raus Long Kongrigesen.”b (Par. 1-8) Wanpela elda i save gut long dispela samting i ken lukautim dispela hap na em i ken kamapim ol askim i stap pinis. Makim brata i save rit gut long ritim ol wan wan paragraf.

Singsing 136 na beten.

Wik i Kirap Long Ogas 26

Singsing 189

12 min: Ol toksave bilong kongrigesen. Mekim olsem wanpela tok na kamapim ol tok bilong “Mekim Kwik Ol Gobek.”

15 min: “Mekim Tok i Givim Save Long Man!”c

18 min: “Stap Gut Long God Taim Wanblut i Raus Long Kongrigesen.”d (Par. 9-14) Wanpela elda i save gut long dispela samting i ken lukautim dispela hap na em i ken kamapim ol askim i stap pinis. Makim brata i save rit gut long ritim ol wan wan paragraf.

Singsing 125 na beten.

Wik i Kirap Long Septemba 2

Singsing 84

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong mun Ogas. Mekim sotpela toktok long stori “Kaunim Buk Wantaim Ol Pikinini” i stap long Wastaua, Me 1, 1999, p. 25.

20 min: Redi Gut Paslain Long Yu Go. Toktok wantaim odiens na mekim soim. Pasin bilong redi gut i helpim wok autim tok bilong yumi i karim kaikai. Olsem na paslain long yu go: (1) Kisim ol nius yu bai i gat wok long en. (2) Kisim pepa na bairo samting bilong raitim nem bilong ol gobek. (3) Sapos yu mas i gat wanpela i kisim yu long ka bilong i go raun, orait stretim rot bilong go. (4) Tingim ol gobek yu laik mekim. (5) Redim gut tok yu bai mekim. Sapos em i wok bilong yu long lukautim grup bilong autim tok, orait kisim teritori inap long grup. Toktok wantaim odiens long tupela o tripela pasin bilong tilim buk Daniel long mun Septemba. Mekim soim long wanpela pasin bilong tilim buk, na kamapim wanpela skripsa.

15 min: Sampela tok bilong helpim kongrigesen. O askim ol brata sista long kamapim sampela ekspiriens bilong ol long taim ol i bin autim tok long kain kain taim na ples, ating ol i bin autim gutnius long ol man i sindaun long ka, o long PMV, long pak samting, long maket, na long sampela narapela hap ol man i save stap long en. Stretim tok pastaim wantaim sampela pablisa long ol i ken mekim wanpela o tupela soim long sampela ekspiriens tru tru bilong taim ol i bin autim tok.

Singsing 99 na beten.

[Ol Futnot]