Mekim Kwik Ol Gobek
1 “No ken surikim taim bilong mekim ol samting yu inap mekim long nau.” Planti man i save long dispela tok bilong kirapim man long hariap na mekim ol samting em i mas mekim. Yumi inap bihainim as tingting bilong dispela tok long wok autim tok bilong yumi, olsem dispela ekspiriens i kamapim.
2 Sista i tilim buk long wanpela man na tok olsem em bai kam lukim em gen. Orait narapela sista i popaia na i go long dispela haus wanpela aua bihain. Man bilong haus i kam opim dua na em i holim buk long han bilong em na em i tokim dispela sista: “Taim yu bin tok long kam bek na lukim mi gen, mi no bin ting olsem yu bai kam bek kwik, tasol kam insait, mi redi long stadi.”
3 Ating dispela kain pasin bilong mekim kwik gobek i narapela kain, tasol dispela ekspiriens i soim olsem em i bikpela samting long yumi mas redi i stap na mekim kwik gobek long olgeta man yumi bungim long wok autim tok i gat laik long harim. Long mun Ogas, yumi bai tilim ol kain kain buklet.
4 Ol i Mas Kisim Helpim: Bilong helpim ol man long save gut long ol tok i stap long ol buklet bilong yumi na pilim tru olsem em i gutpela long helpim ol long nau na bihain, yumi mas stretim rot bilong mekim gobek long ol, na i gutpela sapos yumi mekim insait long sampela de tasol bihain long namba wan taim yumi bungim ol. Bai yumi mekim olsem wanem? Sapos yu tokim man bilong haus olsem yu bai i go bek lukim em, ating dispela inap kamapim olsem em bai gat bikpela laik long harim tok o olsem wanem.
5 Stretim Rot Bilong Mekim Gobek: Long nau i hatwok long kirapim man long makim wanpela taim stret, na ating man bilong haus inap lusim tingting long taim yupela i bin makim. Tasol sapos yu tingim gut taim bilong mekim gobek na yu truim tok bilong yu—bihain long sampela de tasol sapos yu inap—yu bai inapim wok bilong yu long tingim taim yupela i bin makim. Sapos gobek i no stap, traim yet long bungim em. Taim em i luksave olsem yu strong long bungim em gen, dispela inap kirapim em long pilim olsem em i bikpela samting long yu kam lukim em.
6 Long namba wan taim yumi bungim man, yumi no inap save tru olsem em i laik harim sampela tok moa o nogat, olsem na yumi mas go bek lukim man gen maski i luk olsem em i gat hap laik tasol. Em i gutpela long mekim kwik gobek. Ating tok bilong yu i bin kirapim man long skelim wanpela buklet bilong yumi, na taim yu go bek ating yu bai kirap nogut olsem em i amamas long lukim yu. Olsem na mekim kwik gobek!