Ol Miting Bilong Wok

Wik i Kirap Long Janueri 13

Singsing 69

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long laspela pes na mekim tupela narapela narapela soim long pasin bilong tilim Wastaua na Kirap! Yupela i ken mekim wok long ol tok i stap long Wok Kingdom bilong mun i go pinis sapos i gat wok long yupela i mekim olsem. Long tupela soim wantaim, pablisa i stori long wanpela nius tasol, olsem Wastaua o Kirap! tasol em i mas tilim tupela nius wantaim long man.

15 min: Maski Yupela i No Mekim Wanpela Tok Long Ol, Bai Ol i Inap Tanim Bel. Wanpela tok na kamapim sampela askim. Gutpela pasin Kristen i save mekim bikpela wok witnes. Em i bin kirapim sampela poroman marit i no bilip long lotuim Jehova. (1 Pi. 3:​1, 2) Kamapim ol ekspiriens i stap long Wastaua, Janueri 1, 1999, p. 4; Oktoba 1, 1995, p. 10-11; na 1995 Yearbook, p. 46. Stretim tok wantaim tupela o tripela narapela paslain long miting long ol i ken kamapim ol gutpela samting ol yet i bin lukim taim ol i bihainim dispela tok bilong Baibel.

20 min: “Bihainim Dediket Bilong Yumi.”a Taim yu stori pinis long par. 3, mekim sotpela inteviu long wanpela yangpela i bikpela pinis o wanpela yangpela i gat 16 krismas samting na em i baptais pinis. Wanem ol traim na hevi i bin painim em kirap long taim em i baptais? Wanem samting i bin helpim em long sanap strong na winim ol dispela traim na hevi? Em i dediket long Jehova na dispela i helpim em olsem wanem?

Singsing 22 na beten.

Wik i Kirap Long Janueri 20

Singsing 44

8 min: Ol toksave bilong kongrigesen. Ripot bilong ol akaun.

15 min: Yu Save Skelim Tok Bilong Baibel Long Olgeta De? Wanpela tok na kamapim sampela askim. Kirapim olgeta long mekim gutpela wok long buk Skelim Sampela Tok Bilong Baibel Long Olgeta De​​—⁠2003. Toktok wantaim odiens long tok i go pas i stap long p. 3-4. Kamapim sampela tok long pasin famili inap bihainim bilong skelim teks wantaim. Bilong kamapim klia olsem wanem pasin bilong skelim teks long olgeta de inap helpim yumi, stori long tupela o tripela teks bilong de bai kamap long neks mun. Mekim sotpela soim long tupela marit i skelim teks bilong de bilong nau.

22 min: “Skulim Ol Narapela Long Dispela Gutpela Tok Ples.”b Taim yu stori pinis long par. 6, wanpela pablisa i mekim wok long wanpela kirap bilong tok i stap long pepa yumi kisim wantaim Wok Kingdom bilong Janueri 2002, p. 6, na em i mekim soim long pasin bilong kirapim Baibel-stadi long dua bilong haus bilong man taim em i mekim gobek. Skelim tu wanpela paragraf bilong buklet Yumi Mas Mekim Wanem? Bilong pinisim tok, pablisa i kamapim wanpela askim bilong narapela paragraf, na em i stretim rot bilong bekim dispela askim taim em i go bek lukim man. Kirapim olgeta long skelim sapos ol man ol i bungim ol bai amamas long stadi olsem long Baibel.

Singsing 68 na beten.

Wik i Kirap Long Janueri 27

Singsing 92

10 min: Ol toksave bilong kongrigesen. Wasman autim tok i lukautim dispela hap. Kirapim ol pablisa long putim ripot bilong wok autim tok bilong Janueri. Kirapim olgeta long mekim gutpela wok long liklik nius Yu Laik Kisim Sampela Save Moa Long Baibel? Yumi ken givim dispela liklik nius long ol man maski ol i kisim ol nius bilong yumi o nogat. Mekim sotpela tok long olsem wanem yumi inap mekim gobek long ol man i kisim ol magasin na yumi bin lusim dispela liklik nius long ol.​​—⁠Lukim Wok Kingdom, Ogas 2002, p. 6, par. 10.

15 min: “Nupela Program Bilong Kibung Sekit.” Wanpela tok. Toksave long det bilong kibung sekit sapos yupela i save pinis long en. Husat i laik kisim baptais i mas toksave kwik long wasman siaman na bai ol i ken stretim ol samting bilong man i ken kisim baptais. Kirapim olgeta long kam long kibung na putim gut yau long ol tok i kamap. Kirapim ol pablisa i no baptais yet long tingting long winim mak bilong kisim baptais. Wok strong long singautim ol Baibel-stadi.

20 min: Sampela tok bilong helpim kongrigesen. O wanpela elda i mekim tok “Inap Mi Ken Singaut Long Kisim Dinau Long Brata Bilong Mi?” Em i kisim tok long Wastaua, Novemba 15, 1998, p. 24-27.

Singsing 124 na beten.

Wik i Kirap Long Februeri 3

Singsing 9

15 min: Ol toksave bilong kongrigesen. Wasman siaman i lukautim dispela hap. Mekim sotpela tok long Askim.

12 min: Bihainim Pasin Bilong Ol Long Bilip. Mekim inteviu long wanpela elda em i bin bihainim pasin daun na mekim gut wok bilong Jehova inap planti yia pinis. (Hi. 13:⁠7) Olsem wanem em i bin kisim save long tok i tru? Em i bin winim wanem ol hevi na sanap strong long tok i tru? Wanem ol samting bilong spirit o gutpela tok i bin helpim em long kamap strong? Em i bin mekim wanem bilong mekim bikpela wok moa long kongrigesen? (1 Ti. 3:⁠1) Wanem samting i bin helpim em na em inap stretim gut ol wok bilong em na em inap mekim wok bilong kongrigesen, wok mani, na wok bilong famili tu? (1 Ti. 5:⁠8) Em i gat wanem tingting long gutpela wok bilong em long helpim ol narapela long kongrigesen?

18 min: “Wanpela Wok Man i Mas Mekim Long Pasin Daun.”c Taim yu stori long par. 3, askim odiens long kamapim sampela tok long pasin yumi mas bihainim taim wanpela long teritori i tok bilas o i mekim pasin i no stret, tok pait, o em i kros long yumi. Sapos inap, taim yu stori long par. 4, kamapim sampela tok bilong buk Insight, Volium 1, p. 1160, par. 3.

Singsing 133 na beten.

[Ol Futnot]