Ol Miting Bilong Wok

Wik i Kirap Long Jun 9

Singsing 81

10 min: Ol toksave bilong kongrigesen. Sampela toksave bilong Wok Kingdom. Bihainim ol tok i stap long p. 12, na mekim tupela soim long pasin bilong tilim Wastaua bilong Me 15 na Awake! bilong Me 22. Long wan wan soim, pablisa i stori long wanpela nius tasol, olsem Wastaua o Awake!, tasol em i mas tilim tupela nius wantaim. Long wan wan soim, kamapim wanpela skripsa.

15 min: “Wok Kristen Bilong Autim Tok​​—⁠Nambawan Bikpela Wok Bilong Yumi.”a Kirapim ol yangpela long tingim gut ol gutpela blesing ol inap amamas long en taim ol i insait long mekim wok bilong God fultaim. Kamapim sampela tok aninit long liklik het-tok “Taim Pasin Bilong Ples na Maus Bilong Bel i Pait Wantaim,” long Wastaua bilong Novemba 1, 2000, p. 19-​20.

20 min: “Yu Bin Tingting Long Mekim Wok Bilong Jehova Olsem Painia?”b Sapos inap, orait brata i lukautim dispela hap em i mas brata i mekim wok bilong God fultaim o bipo em i bin insait long dispela wok. Na tu, kamapim sampela tok bilong wok painia long p. 4 bilong liklik nius Ol Yangpela​—⁠Yupela Bai Mekim Wanem Long Laip Bilong Yupela? em yumi bin kisim long kibung distrik. Kamapim klia olsem i gat wok long planti brata moa i mas insait long wok painia oltaim.

Singsing 190 na beten.

Wik i Kirap Long Jun 16

Singsing 55

8 min: Ol toksave bilong kongrigesen. Ripot bilong ol akaun.

12 min: Sampela tok bilong helpim kongrigesen.

25 min: “Wok Strong Long Mekim Gut Wok Bilong Yu Long Autim Tok.”c Mekim wok long ol askim i stap pinis. Taim yu stori pinis long par. 5 na 6, mekim sotpela soim long pablisa i autim tok long kain kain taim na ples na em i autim tok long wanpela wokman bilong stua, na em i tilim liklik nius Yu Laik Kisim Sampela Save Moa Long Baibel? Ritim par. 7 na 8 paslain long yu stori long en. Bilong pinisim tok, ritim na stori long blok “No Ken Lusim Tingting Long Ol!”

Singsing 131 na beten.

Wik i Kirap Long Jun 23

Singsing 95

8 min: Ol toksave bilong kongrigesen. Bihainim ol tok i stap long p. 12, na mekim soim long pasin bilong tilim Wastaua bilong Jun 1 na wanpela Kirap! Pablisa i stori long wanpela nius tasol, olsem Wastaua o Kirap!, tasol em i mas tilim tupela nius wantaim. Long dispela soim, pablisa i mas mekim olsem em i tilim nius long rot.

22 min: Taim Yumi Bel Hevi Yumi Ken Mekim Wanem Long En? Wanpela tok na kamapim sampela askim long Wastaua bilong Novemba 15, 1999, kirap long p. 28 i go inap long pinis bilong tok aninit long het-tok “Holim Stretpela Tingting.” Kamapim gen sampela samting man i ken mekim na sampela tok Baibel i kamapim long dispela samting. Sampela de paslain long miting, stretim rot long wanpela o tupela pablisa i ken stori long samting i save helpim ol long holimpas amamas bilong ol long wok autim tok.

15 min: “Autim Tok Long Taim Ol Samting i Wok Long Senis Senis.”d Taim yu stori long par. 2-3, askim odiens wanem ol samting nau i kamap na ol inap mekim wok long en bilong kirapim tok wantaim ol man long teritori. Taim yu stori long par. 4, bihainim tok paragraf i kamapim na mekim sotpela soim.

Singsing 15 na beten.

Wik i Kirap Long Jun 30

Singsing 3

8 min: Ol toksave bilong kongrigesen. Kirapim ol pablisa long putim ripot bilong wok autim tok bilong Jun. Toktok long samting bilong tilim long Julai na Ogas. Toksave long tupela buklet em nau kongrigesen i gat. Mekim ol gutpela soim long pasin bilong tilim ol dispela buklet long wok autim tok. Bilong kisim save long sampela pasin bilong tilim ol buklet, lukim Wok Kingdom bilong Julai 1998, p. 8.

15 min: “Ol i Gat Ol Bagarap Bilong Skin​​—⁠Tasol Wok Bilong Ol i Karim Kaikai.”e Kamapim sampela tok long olsem wanem ol narapela inap givim helpim olsem i stap aninit long liklik het-tok “Yumi Ken Mekim Wanem Bilong Helpim Ol?” long Kirap! bilong Februeri 8, 1991, p. 25-26.

22 min: Mekim Gutpela Wok Long Tok Bilong God Long Autim Tok Bilong Kingdom. Wasman autim tok i toktok wantaim ol brata sista na kamapim ol askim. Long olgeta man yumi bungim long wok autim tok, yumi wok strong long kamapim wanpela tok bilong Baibel i stori long Kingdom. Yumi no laik ritim tasol ol tok bilong Baibel. Yumi gat wok long kamapim gut insait bilong en, kamapim tok piksa i mekim klia tok, na soim olsem wanem tok i helpim man. Bilong stori long olsem wanem yumi inap mekim olsem, mekim wok long sampela skripsa long buk Toktok Gut, p. 108, aninit long het-tok “Ol gavman bilong graun i no helpim tru ol man.” Bihain long dispela, wanpela pablisa i redi gut em i ken mekim soim long pasin bilong yusim gut wanpela skripsa long taim em i mekim gobek, na em i mekim sotpela tok bilong kamapim insait bilong skripsa, na wanpela tok piksa i no hatwok long kisim insait bilong en, na sotpela tok bilong soim man bilong haus olsem wanem wok bos bilong Kingdom bai helpim em. Kirapim soim long rot bilong pablisa i ritim skripsa. Bihain long soim, stori gen long olsem wanem pablisa i bin kamapim gut insait bilong skripsa, kamapim tok piksa i mekim klia tok, na soim olsem wanem tok i helpim man. Kirapim olgeta long kisim pasin bilong mekim gutpela wok long Tok Bilong God.

Singsing 171 na beten.

Wik i Kirap Long Julai 7

Singsing 165

5 min: Ol toksave bilong kongrigesen.

15 min: Sampela ekspiriens. Stori o mekim soim long sampela ekspiriens ol pablisa i bin kisim taim ol i (1) autim tok long ol man i mekim narapela tok ples o (2) ol i bin autim tok long ol narapela kain taim na ples, na i no long ol haus o long rot.

25 min: “Tokim Ol Man Long Nem Bilong God.”f Mekim wok long ol askim i stap pinis. Taim yu stori long par. 4, traim long kamapim sampela tok long blok “Making Known the Name of God” long p. 124 long buk Proclaimers. Wanpela pablisa i save gut long mekim wok em i ken mekim soim long pasin bilong mekim gobek. Mekim wok long tupela o tripela skripsa long buk Toktok Gut, p 171-172, na kamapim klia i gat wanem as na em i bikpela samting long yumi mas save long nem bilong God na kolim.

Singsing 197 na beten.

[Ol Futnot]