Ol Toksave

◼ Samting bilong tilim long Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat? Septemba: Bai yumi mekim bikpela wok bilong tilim buk Rot Bilong Famili i Ken Stap Amamas long taim yumi autim tok long ol haus, mekim gobek na Baibel-stadi, na autim tok long kain kain taim na ples. Oktoba: Tilim Wastaua na Kirap! Sapos man i laik harim tok, tilim buklet Yumi Mas Mekim Wanem? na wok strong long kirapim ol Baibel-stadi. Novemba: Tilim buk Save o buklet Yumi Mas Mekim Wanem? Sapos man bilong haus i holim pinis dispela buk o buklet, orait tilim buk Lotuim God o wanpela buk samting i bilong bipo liklik.

◼ Long wik i kirap long Oktoba 20, 2003, yumi bai stadi long buk Lotuim Dispela Wanpela God Tru long Buk-Stadi Bilong Kongrigesen.

◼ Wasman siaman o wanpela brata em wasman i makim, em i mas skelim ol akaun bilong kongrigesen long Septemba 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.

◼ Long Ogas 31, 2003 o kwiktaim bihain long dispela de, ol brata i lukautim buk-rum i mas kaunim hamas buk na nius i stap long kongrigesen. Dispela wok i wankain olsem wok em kodineta bilong buk-rum i save mekim long pinis bilong olgeta mun, na yupela i mas raitim namba bilong ol buk na nius long fom Bilong Kaunim Ol Litresa. (S-18-MP). Ol brata i lukautim ol magasin i ken tokim kodineta bilong buk-rum long hamas magasin olgeta i stap. Kuskus bilong kongrigesen bilong stretim oda bilong litresa i mas bosim dispela wok. Kuskus na wasman siaman bilong dispela kongrigesen bai sainim dispela fom. Ol kongrigesen bilong stretim oda bilong litresa bai kisim 3-pela bilong dispela fom (S-18-MP). Plis salim namba wan kopi long brens-ofis paslain long Septemba 6. Holim namba tu kopi, olsem kabon-kopi, bilong putim long fail bilong kongrigesen. Namba tri kopi em bilong mekim wok long en taim yupela i wok long kaunim ol buk samting.

◼ Ol kongrigesen i mas kirap nau long putim oda long ol kalenda bilong ol Witnes Bilong Jehova bilong yia 2004, na 2004 Yearbook of Jehovah’s Witnesses wantaim oda bilong neks mun. Mipela bai salim buklet Skelim Sampela Tok Bilong Baibel Long Olgeta De​​—⁠2004 long olgeta kongrigesen na grup. Mipela bai salim wanpela buklet inap long olgeta wan wan pablisa. Sapos yupela i laik kisim sampela buklet moa bilong ol pikinini na ol Baibel-stadi, putim oda long pepa Literature Request Form (S-14-E Pp).

◼ Miting Bilong Olgeta Yia Bilong International Bible Students Association Bilong Papua New Guinea Incorporated bai kamap long Oktoba 4, 2003, long 4 klok apinun, long brens-ofis.