Ol Miting Bilong Wok

Wik i Kirap Long Disemba 8

Singsing 221

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 6, na mekim soim long pasin bilong tilim Wastaua bilong Novemba 15 na Awake! bilong Novemba 22. Long wan wan soim, pablisa i stori long wanpela nius tasol, olsem Wastaua o Awake!, tasol em i mas tilim tupela nius wantaim long man.

20 min: “Pasin Wanbel Tru Bilong Ol Kristen​—⁠Olsem Wanem Dispela i Kamap?”a Taim yu stori long par. 5, askim odiens long stori long sampela ekspiriens bilong ol i kamapim klia pasin wanbel bilong ol Kristen taim ol i go long kibung intenesenel, o ol i insait long wok bilong sanapim ol Haus Kingdom samting, o helpim ol brata sista i kisim bagarap long guria o bikpela win ren samting.

15 min: “Skul Tiokratik Bilong Autim Tok Bilong 2004.” Wasman skul i mekim dispela tok. Kamapim sampela tok bilong namel pepa bilong Wok Kingdom bilong Oktoba 2003.

Singsing 108 na beten.

Wik i Kirap Long Disemba 15

Singsing 71

10 min: Ol toksave bilong kongrigesen. Stori long blok “Yu Mas Go Lukim Ol.” Soim wanpela fom S-70-MP sapos i gat. Toksave long ol bung bilong mekim bikpela wok bilong autim tok long Disemba 25.

15 min: Stadi Bilong Yu Yet​—⁠Wanpela Pasin Bilong Lotu. Wanpela tok i kam long Wastaua bilong Oktoba 1, 2000, p. 14-15, par. 6-10.

20 min: “Helpim Ol Man ‘Bel Bilong Ol i Gutpela Tru.’ ”b Mekim wok long ol askim i stap pinis. Skelim ol tok long pasin bilong mekim ol gobek, long blok long p. 3 bilong Wok Kingdom bilong Mas 1997.

Singsing 42 na beten.

Wik i Kirap Long Disemba 22

Singsing 10

12 min: Ol toksave bilong kongrigesen. Ripot bilong ol akaun. Bihainim ol tok i stap long p. 6, na mekim tupela soim long pasin bilong tilim Wastaua bilong Disemba 1 na wanpela nupela Kirap! Toksave long ol bung bilong mekim bikpela wok bilong autim tok long Disemba 25. Kirapim olgeta long tingim Miting Bilong Wok long neks wik, em yumi bai stori long kat Advance Medical Directive/Release na tilim ol dispela kat.

18 min: Sampela tok bilong helpim kongrigesen.

15 min: Wanem Samting Inap Helpim Yumi Long Kamap Gutpela Pablisa Long Kongrigesen? Wanpela tok, na kamapim sampela askim. Bilong kamap gutpela pablisa, i no olsem yumi mas i gat bikpela save long mekim sampela wok samting, nogat; bikpela samting em yumi olgeta i mas i gat pasin bilong redi long mekim wok, pasin laikim, pasin daun, pasin bilong givim bel, na pasin bilong pilim tru dispela wok. Askim odiens long kamapim sampela as na i gutpela long yumi mas i gat ol dispela pasin: (1) pasin bilong amamas, (2) go oltaim long ol miting na bekim tok, (3) laik tru long mekim ol wok yumi kisim na inapim dispela wok, (4) wok gut wantaim ol elda na ol wok ol i stretim insait long kongrigesen, (5) laik tru long helpim ol narapela, na (6) autim tok oltaim na putim kwik ripot long olgeta mun.

Singsing 209 na beten.

Wik i Kirap Long Disemba 29

Singsing 200

5 min: Ol toksave bilong kongrigesen. Kirapim ol pablisa long putim ripot bilong wok autim tok bilong Disemba. Toksave long samting bilong tilim long Janueri.

18 min: Tingting Bilong Ol Kristen Long Blut. Wanpela elda i gat gutpela save i stori long ol tok i stap long buk Toktok Gut, p. 77-83. Kamapim klia ol tok bilong Baibel i as na yumi abrusim blut. Kirapim olgeta long save gut long ol dispela tok na bai ol inap bekim gut tok long ol man i gat askim long bilip bilong yumi long blut.

22 min: Redi Long Abrusim Blut Long Haus Sik. Wanpela elda i gat gutpela save i mekim dispela tok, na em i yusim autlain i kam long brens-ofis. Kamapim ol bikpela tok i stap long blok “Ol Samting Bilong Helpim Yumi Long Abrusim Blut.”

Singsing 182 na beten.

Wik i Kirap Long Janueri 5

Singsing 103

12 min: Ol toksave bilong kongrigesen. Askim. Wanpela elda i mekim dispela tok.

15 min: Hatwok Bilong Yu i No Inap Lus Nating. (1 Ko. 15:58) Toktok wantaim ol brata sista na kamapim ol askim. Sampela de paslain long miting, stretim tok wantaim sampela pablisa em ol i bin autim tok inap planti yia na ol i ken stori long wok autim tok long bipo. Hamas manmeri i bin bung wantaim kongrigesen? Kongrigesen i bin i gat hamas teritori bilong autim tok long en? Ol manmeri i mekim wanem ol pasin taim ol i autim tok bilong Kingdom? Wanem ol hevi i bin painim ol? Insait long ol yia i go pinis, wok bilong Kingdom i go bikpela olsem wanem long hap ol i stap long en?

18 min: “Painim Ol Man i Gat Gutpela Bel.”c Kamapim ol samting i stret long kongrigesen. Long wanem taim stret ol manmeri i save stap long haus? Wanem ol gutpela samting i bin kamap taim ol brata sista i autim tok long apinun? Yumi inap traim wanem ol rot bilong bungim ol man i no save stap tumas long haus?

Singsing 7 na beten.

[Ol Futnot]