Ol Toksave

◼ Samting bilong tilim long Februeri: Buk Kamapim Tok Hait​—⁠Bikpela Samting Bilong En i Laik Kamap! Mas: Buk Save i Bringim Man Long Laip Oltaim. Wok strong long kirapim ol Baibel-stadi. Sapos ol man i gat dispela buk pinis, orait yu ken tilim buk Putim Yau Long Tok Profet Bilong Daniel! Epril na Me: Wastaua na Kirap! Taim yumi mekim gobek long ol man i amamas long harim tok, yumi mas go lukim tu ol man i save kam tasol long Memorial na long ol narapela bikpela bung. Wok strong long tilim buk Lotuim God. Yumi mas wok strong long kirapim Baibel-stadi, moa yet long ol man i bin stadi pinis long buk Save na buklet Yumi Mas Mekim Wanem?

◼ Wasman siaman o wanpela brata em wasman i makim, em i mas skelim ol akaun bilong kongrigesen long Mas 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting. Ritim ol tok em brens-ofis i mekim bilong tok tenkyu long ol kontribiusen kongrigesen i bin givim bilong helpim wok long olgeta hap o ol narapela wok bilong oganaisesen.

◼ Kuskus na wasman autim tok i mas skelim wok bilong olgeta painia oltaim. Sapos sampela i hatwok long winim ol aua bilong ol, orait ol elda i mas stretim rot bilong helpim ol. Bilong kisim sampela tingting long dispela, lukim ol pas S-201-MP, em yupela i kisim long olgeta yia.

◼ Spesel pablik-tok bilong Memorial bilong 2004 bai kamap long Sande, Epril 18. Nem bilong tok em “Sanap Strong na Bilip Long Jehova.” Lukim narapela toksave long dispela samting long Wok Kingdom bilong Septemba 2003.

◼ Kirap long wik bilong Mas 15, 2004, yumi bai stadi long buk Rot Bilong Famili i Ken Stap Amamas long Buk-Stadi Bilong Kongrigesen.