Ol Miting Bilong Wok
Wik i Kirap Long Mas 8
Singsing 37
10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long laspela pes, na mekim soim long pasin bilong tilim Wastaua bilong Februeri 15 na Kirap! bilong Janueri—Mas.
15 min: Yusim Ol Liklik Nius Bilong Kirapim Tok. Toktok wantaim ol bratasista na kamapim ol askim. Planti taim pasin bilong kirapim tok em hap bilong wok autim tok i hatwok long mekim. Yumi ken yusim ol liklik nius na bai i no hatwok long kirapim tok taim yumi autim tok long ol haus, ol bisnis, na pablik ples. Mekim sotpela tok long tupela o tripela liklik nius em ol man long teritori bilong yupela i amamas long ritim. Yupela i ken mekim wanem kirap bilong tok taim yupela i tilim ol dispela liklik nius? Olsem wanem yupela i ken mekim wok long ol piksa? Kamapim wanem ol askim? Stori long wanpela paragraf long olgeta liklik nius em yupela inap skelim wantaim man bilong haus sapos em i laik harim. Mekim soim long pasin bilong kirapim tok long rot bilong ol liklik nius. Pablisa i ken stori liklik long wanpela paragraf bilong liklik nius na pinisim tok long rot bilong tilim buk Save.
20 min: “Ol Manmeri Bilong God, Yupela i Mas Laikim Em Tru.”a Taim yu skelim par. 3, askim odiens long stori long olsem wanem ol i bin singautim ol man i kam long Memorial.
Singsing 131 na beten.
Wik i Kirap Long Mas 15
Singsing 121
10 min: Ol toksave bilong kongrigesen. Kolim ol bikpela tok bilong “Ol Samting Bilong Tingim Long Memorial.” Toksave long wanem taim kongrigesen bai mekim Stadi Wastaua long wik bilong Memorial.
15 min: Ol Wok Yumi Bai Mekim Long Taim Bilong Memorial. Wasman autim tok bai toktok wantaim ol bratasista na kamapim ol askim. Toksave long ol bung bilong autim tok. Stori long sampela gutpela ekspiriens i bin kamap. Strongim ol bratasista husat inap mekim wok painia haptaim long Epril na Me long mekim olsem. Kamapim sampela bikpela tok bilong namel pepa bilong Wok Kingdom bilong Februeri. Toksave tu olsem spesel De Magasin bai kamap long Sarere Me 22, 2004. Olgeta kongrigesen na grup i mas stretim ol samting bilong insait long dispela spesel De Magasin. Wasman autim tok bai stretim wanpela o tupela bung moa bilong autim tok long dispela de bambai olgeta pablisa i ken insait long wok bilong tilim ol nius long ol haus, klostu long maket, long ai bilong ol stua, o long rot.
20 min: “2004 ‘Wokabaut Wantaim God’ Kibung Distrik Bilong Ol Witnes Bilong Jehova.” Kuskus bilong kongrigesen bai lukautim dispela hap. Kirapim olgeta long stretim ol samting paslain tru na bai ol i stap long olgeta tripela de long kibung.
Singsing 63 na beten.
Wik i Kirap Long Mas 22
Singsing 191
15 min: Ol toksave bilong kongrigesen. Ripot bilong ol akaun. Kirapim olgeta long mekim Baibel ritim bilong Memorial long Mas 30–Epril 4, olsem i stap long buklet Skelim Sampela Tok Bilong Baibel Long Olgeta De—2004 na 2004 Calendar. Toktok long “Nupela Program Bilong Bikpela De Kibung.” Sapos yupela i save pinis, toksave long det bilong bikpela de kibung, na kirapim olgeta long go long en. Sapos dispela kibung bai kamap long sampela mun bihain, toksave olsem ol lain i laik kisim baptais ol i mas tokim wasman siaman long dispela samting.
10 min: Sampela tok bilong helpim kongrigesen.
20 min: “Lain Ami Bilong Mekim Pait Em Yu Insait Long En.”b Sapos i gat taim, ritim na stori long ol skripsa.
Singsing 181 na beten.
Wik i Kirap Long Mas 29
Singsing 129
10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Mas. Toksave long samting bilong tilim long Epril. Bihainim ol tok i stap long laspela pes, na mekim soim long pasin bilong tilim Wastaua bilong Mas 1 na nupela Awake!
15 min: “Pas i Kam Long Gavening Bodi.” Kamapim sampela bikpela tok bilong dispela pas, na sampela gutpela samting bilong ripot bilong olgeta hap i stap long Wastaua Janueri 1, 2004, p. 18-21. Sapos inap, yu ken kamapim sampela gutpela ekspiriens i strongim bilip i stap long 2004 Yearbook. I gutpela sapos olgeta husat inap ritim tok Inglis i ritim 2004 Yearbook long dispela yia.
20 min: Tok i Tru i Mekim Ol Famili i Kamap Wanbel. Wanpela tok na kamapim sampela askim. Sampela taim ol man i amamas long harim tok ol i surik long mekim wok bilong Jehova, long wanem, famili bilong ol i save birua. Stori long sampela ekspiriens: Wastaua Janueri 1, 2002, p. 14-15; Wastaua Disemba 1, 2000, p. 8; Wastaua Septemba 1, 1999, p. 32; Wastaua Janueri 1, 1999, p. 4; na Kirap! Mas 8, 1998, p. 31. Kamapim klia olsem planti taim sindaun bilong famili i kamap gutpela maski wanpela tasol long famili i bihainim ol stiatok bilong Baibel.
Singsing 130 na beten.
Wik i Kirap Long Epril 5
Singsing 126
10 min: Ol toksave bilong kongrigesen.
20 min: Pasin Bilong Stap Klin Long Skin i Litimapim Nem Bilong Yumi. Wanpela tok i kam long Wastaua Jun 1, 2002, p. 19-21. Mekim wanpela soim long elda i stori long painia long em i ken mekim wanem ol gutpela tok bilong helpim Baibel stadi long save olsem em i bikpela samting long haus na banis bilong em i mas i stap klin. Em i kamapim ol tok long stadi 9, par. 5, long buklet Yumi Mas Mekim Wanem?
15 min: Stori long ol ekspiriens i bin kamap long taim bilong Memorial na long bikpela wok autim tok bilong mun Mas.
Singsing 25 na beten.
[Ol Futnot]
a Kirap bilong tok i no ken abrusim wanpela minit, na bihain mekim ol askim na bekim.
b Kirap bilong tok i no ken abrusim wanpela minit, na bihain mekim ol askim na bekim.