Ol Miting Bilong Wok

Harim: Wok Kingdom Bilong Yumi bai makim wanpela Miting Bilong Wok long olgeta wik insait long Novemba na Disemba. Ol kongrigesen i ken senisim ol miting bambai ol i ken go long “Wokabaut Wantaim God” Kibung Distrik. Sapos i stret, mekim wok long 15 minit bilong laspela Miting Bilong Wok bai kamap paslain long kibung na stori gen long sampela bikpela tok bilong Wok Kingdom bilong Oktoba i stori long kibung. Long Janueri, ol bai makim wanpela Miting Bilong Wok bilong skelim ol bikpela tok bilong kibung. Bilong redi long dispela, yumi olgeta i mas raitim long notbuk ol bikpela tok bilong kibung, na ol samting yumi yet i laik bihainim long i stap bilong yumi na long wok autim tok. Na yumi ken strongim ol narapela long rot bilong stori long olsem wanem yumi bihainim ol dispela tok.

Wik i Kirap Long Novemba 8

Singsing 180

7 min: Ol toksave bilong kongrigesen. Sampela Toksave bilong Wok Kingdom.

18 min: Kisim Gut Helpim Long Miting Bilong Wok. Toktok wantaim ol bratasista na kamapim ol askim long buk Lo, p. 71-72. Miting Bilong Wok i helpim yumi long kamap gutpela moa olsem wokman Kristen long wanem 5-pela samting? Stori long sampela tok i stap long Miting Bilong Wok long dispela mun. Sapos yumi redim gut dispela miting, em bai helpim yumi olsem wanem? Bilong wanem yumi mas i go long olgeta Miting Bilong Wok? Wanem tok bilong Baibel i stori long kain miting olsem?

20 min: “Holimpas Tingting Olsem Taim i Sot Pinis!”a Kamapim sampela tok bilong Wastaua, Janueri 15, 2000, p. 12-13.

Singsing 19 na beten.

Wik i Kirap Long Novemba 15

Singsing 170

10 min: Ol toksave bilong kongrigesen. Sapos ol tok i stap long p. 4 i stret long teritori bilong kongrigesen bilong yu, orait bihainim na mekim soim long pasin bilong tilim Wastaua bilong Oktoba 15 na Kirap! bilong Oktoba-Disemba. Yu ken mekim wok long narapela pasin bilong tilim ol magasin i stret long teritori bilong yu.

15 min: Yu Save Long Amamas i Save Kamap Long Pasin Bilong Givim? Wanpela tok i kam long Wastaua, Novemba 1, 2004, p. 19-23.

20 min: Olsem Wanem Skul Inap Helpim Yu. Wanpela papa i toktok wantaim ol pikinini bilong em bilong helpim ol long save bilong wanem skul inap helpim ol. (Lukim buk Sampela Askim Bilong Ol Yangpela, p. 133-139.) Planti yangpela i pilim olsem pasin nogut bilong nau i mekim na i hatwok long go long skul. Na ol i les long skul, long wanem, ol i tok ol samting ol i lain long en i no inap helpim ol bihain. Papa i stori long ol stiatok bilong Baibel na bilong wanem em i savepasin long kisim gutpela skul em inap long helpim ol. Em i kirapim ol pikinini bilong em long stadi gut na long putim gut yau na tingting long ol tok taim ol i stap long skul.

Singsing 66 na beten.

Wik i Kirap Long Novemba 22

Singsing 199

10 min: Ol toksave bilong kongrigesen. Ripot bilong akaun.

15 min: Sampela tok bilong helpim kongrigesen. O wanpela elda i ken mekim wanpela tok long “Ol i Kisim Strong Long Tok Nogat Long Pasin i No Stret,” long Wastaua, Oktoba 1, 1999, p. 28-31.

20 min: Olsem Wanem Famili Bilong Yumi Inap Kamapim Pasin Holi? Wanpela elda na famili bilong em ol i toktok wantaim long Wastaua, Ogas 1, 1996, p. 16-20. Stori long ol samting ol i ken mekim bilong kamapim pasin holi long haus, long ol wanblut, insait long kongrigesen na long hap ol i sindaun long en, na long skul na ples wok.

Singsing 58 na beten.

Wik i Kirap Long Novemba 29

Singsing 23

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Novemba. Mekim soim long pasin bilong tilim Wastaua bilong Novemba 1 na wanpela nupela Awake!

10 min: Askim. Wanpela elda i mekim dispela tok.

25 min: “Mekim Ol Baibel Stadi i Save Helpim Ol Man​—⁠Namba 3 Hap.”b Mekim wok long ol askim i stap pinis. Taim yu stori pinis long par. 3, mekim sotpela soim long wanpela pablisa i mekim stadi long buklet Yumi Mas Mekim Wanem?, stadi 5, par. 1. Tupela i ritim paragraf na bekim askim bilong en pinis. Pablisa na sumatin i ritim Aisaia 45:18 na Saveman 1:4 na tupela i stori long dispela tupela skripsa. Pablisa i mekim wok long sampela askim bilong kirapim sumatin long stori long olsem wanem ol tok bilong skripsa i stret wantaim tok bilong stadi.

Singsing 178 na beten.

Wik i Kirap Long Disemba 6

Singsing 96

10 min: Ol toksave bilong kongrigesen. Toksave long ol samting bilong tilim long mun Disemba. Mekim wanpela o tupela soim yumi inap bihainim taim yumi tilim buk Nambawan Man.

20 min: “Yu Inap Helpim Ol Narapela?”c Toktok wantaim wanpela o tupela pablisa em ol i bin amamas long ol narapela i bin helpim ol na strongim ol.

15 min: Sampela ekspiriens. Stretim rot paslain long miting bilong mekim soim long sampela ekspiriens i bin kamap i no longtaim i go pinis.

Singsing 101 na beten.

[Ol Futnot]