Ol Toksave

◼ Novemba: Buk Go Klostu Long Jehova. Disemba: Buk Baibel Stori Buk Bilong Mi o buk Nambawan Man Tru i Winim Olgeta Narapela Man. Janueri: Wanpela bilong ol buk ol i wokim paslain long 1990 long tok Inglis, tok Hiri Motu, o long Tok Pisin, na kongrigesen i gat sampela i stap yet. Sapos kongrigesen i no gat ol dispela buk, orait sekim ol narapela kongrigesen i stap klostu sapos ol i gat planti na yupela i ken yusim. Sapos i no gat ol dispela olpela buk, orait tilim buk Save. Februeri: Buk Go Klostu Long Jehova.

◼ Wasman siaman o wanpela brata em wasman i makim, em i mas skelim ol akaun bilong kongrigesen long Disemba 1 o kwiktaim bihain long en. Sapos i gat narapela akaun, kain olsem akaun bilong stretim ol samting bilong Haus Kingdom o bilong konstraksen, orait stretim rot bilong skelim dispela akaun tu. Taim em i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.

◼ Kongrigesen i mas kirap nau long putim oda bilong kisim volium bilong The Watchtower na Awake! bilong 2004 wantaim oda bilong litresa. Lista bilong ol tok ples em ol dispela volium i stap long en bai kamap long pas “Toksave i Go Long Olgeta Kongrigesen,” em mipela i save salim long olgeta mun. Inap long taim ol volium i redi na mipela i salim i kam, mipela bai raitim long pepa Packing List olsem “Mipela bai salim bihain.” Ol volium i spesel rikwes aitem.

◼ Sapos yu givim sek olsem kontribiusen na putim long bokis kontribiusen bilong helpim wok long olgeta hap na long bokis Kontribiusen Bilong Wokim Ol Haus Kingdom, orait yu mas raitim akaun nem bilong kongrigesen yu stap long en. Olsem: “Kongrigesen Kavieng Bilong Ol Witnes Bilong Jehova.” Ol kontribiusen yu givim long rot bilong sek long kibung distrik o salim i go long brens ofis, yu mas raitim “International Bible Students Association” o “IBSA.” Atres bilong brens ofis bilong salim ol sek samting long en em International Bible Students Association, P.O. Box 636, Boroko, NCD 111.