Mekim Wok Long Tok i Stret Long Man Bilong Haus

Mekim Wok Long Tok i Stret Long Man Bilong Haus

Pasin bilong tingim ol manmeri bai kirapim yumi long luksave long ol samting ol i mas kisim na soim ol long olsem wanem Kingdom bai stretim olgeta hevi ol i karim. (Fl. 2:⁠4) Wanpela pasin bilong autim tok long man em ol pablisa i lukim olsem i save wok gut, em long askim man bilong haus long stori long ol piksa bilong Paradais i stap long ol buk na nius bilong yumi, kain olsem i stap long lista long han sut bilong dispela pes. Yu ken mekim olsem long rot bilong yusim wanpela bilong ol dispela kirap bilong tok:

◼ “Olsem wanem? Yu ting wanpela taim inap kamap na bai ol man inap i stap long kain gutpela ples olsem i stap long piksa hia?”

◼ “Yumi olgeta i laik bai ol pikinini bilong yumi i stap long kain gutpela ples olsem piksa hia. Yu ting yumi mas mekim wanem bilong kamapim kain sindaun olsem?”

◼ “Graun bai i luk olsem dispela piksa taim laik bilong God i kamap long graun olsem i kamap long heven. Yu inap lukim sampela samting long piksa i narapela kain long nau?”

◼ “Yu laik i stap long kain ples olsem? [Larim man i bekim.] Yu ting dispela samting bai kamap long taim bilong yumi?”

Putim gut yau long bekim bilong man, na long gutpela pasin kamapim wanpela o tupela askim moa bilong kisim tingting bilong em. Sapos sampela i tok ol i no laik i stap long kain gutpela ples olsem o ol i no bilip olsem kain samting olsem inap kamap, no ken hariap long ting olsem ol i no laik harim tok. Long gutpela pasin askim ol long as na ol i gat dispela tingting. Bekim bilong ol inap kamapim olsem ol i tingting planti long ol hevi i wok long painim ol man we i no gat wanpela inap stretim.—⁠Ese. 9:⁠4.

Taim yu luksave long ol samting man bilong haus i tingting planti long en, orait mekim tok i stret long em. Kamapim tok bilong Kingdom i stret long ol samting em i sot long en. Soim em wanpela o tupela skripsa i stret long samting em i tingting planti long en. (Lukim sampela tok yu inap mekim wok long en i stap long han sut.) Larim em yet i lukim Baibel i tok wanem long dispela samting. Sapos em i gat laik long save moa, orait tilim buk o nius long em na stretim rot bilong i go bek lukim em. Yu mas skruim sampela tok moa bilong kirapim laik bilong man long harim sampela tok moa.

[Blok long pes 6]

Sampela Piksa Bilong Paradais

Buk Bikpela Tisa: pes 251-4

Buk Save: pes 4-5, 188-9

Buklet Yumi mas Mekim Wanem?: pes 11, 13

Buk Lotuim God: pes 92-3

[Blok long pes 6]

Ol Samting Em Ol Man i Save Tingting Planti Long En

Bagarapim graun

Kamapim Tok Hait 11:⁠18

Bikpela bel hevi

Song 34:⁠8;