Ol Miting Bilong Wok

Wik i Kirap Long Mas 14

Singsing 132

10 min: Ol toksave bilong kongrigesen. Sampela Toksave bilong Wok Kingdom. Mekim wok long ol tok i stap long p. 4 (sapos i stret long teritori bilong yupela) na mekim soim long pasin bilong tilim Wastaua bilong Februeri 15 na Awake! bilong Februeri 22. Yupela i ken bihainim ol narapela pasin bilong tilim magasin i stret long teritori bilong yupela. Long wanpela soim, pablisa i mekim gobek long wanpela man i stap long magasin-raun bilong em. Taim pablisa i laik lusim man, em i toksave long man long Memorial bai kamap na pablisa i givim em pepa bilong singautim man i kam long Memorial.

20 min: “Kamapim Moa Tok Bilong Baibel!”a

15 min: Sampela ekspiriens. Askim ol bratasista long stori long sampela ekspiriens ol i kisim taim ol i tilim o taim ol i mekim gobek long ol man i kisim buklet Was i Stap! Sampela de paslain long miting, stretim rot bilong mekim soim long sampela gutpela ekspiriens. Tok amamas long olgeta bratasista i helpim dispela bikpela wok bilong tilim dispela buklet.

Singsing 137 na beten.

Wik i Kirap Long Mas 21

Singsing 140

5 min: Ol toksave bilong kongrigesen.

18 min: “Mekim Ol Baibel Stadi i Save Helpim Ol Man​—Namba 7 Hap.”b Taim yu redim dispela hap, kisim ol tok long Wastaua bilong Julai 15, 2002, p. 27, par. 5-6.

22 min: Armagedon Em i Wanem Samting? Mekim kirap bilong tok i no ken winim wanpela minit, na toktok wantaim ol bratasista na kamapim ol askim long ol tok i stap long p. 27-32 long buk Toktok Gut. Askim odiens long mekim wok long ol skripsa em ol i raitim ol tok bilong en na ol skripsa ol i no raitim tok bilong en na bekim ol askim i stap long strongpela rait. Stori long olsem wanem yumi ken mekim wok long ol dispela tok taim yumi autim tok.

Singsing 109 na beten.

Wik i Kirap Long Mas 28

Singsing 144

7 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribiusen i go long brens na brens i bin tok tenkyu long dispela, orait kamapim dispela tok tenkyu long kongrigesen. Kirapim olgeta long singautim ol man i gat laik long harim tok long kam long spesel pablik tok bai kamap long Epril 10. Toksave long ol samting bilong tilim long Epril na Me.

20 min: “Mekim Wok Long Ol Magasin Taim Yu Autim Tok.”c Taim yu kamapim tok bilong par. 3 na 4, stori long ol samting i stret long hap bilong yu. Toktok wantaim wanpela o tupela pablisa em ol i save tilim ol magasin long ol ples bisnis, long rot, long pablik ples, o taim ol i autim tok long kain kain taim na ples. Askim ol long stori long olsem wanem ol i save tilim ol magasin long ol dispela rot. Mekim wanpela soim long pasin bilong tilim magasin o mekim soim bilong wanpela ekspiriens.

18 min: Pasin bilong yusim dispela nupela tul, Was Taua Buk na Nius Skripsa Indeks 1991-2000. Wanpela brata i save mekim gut tok i lukautim dispela hap. Mekim wok long p. 3 bilong Skripsa Indeks, na stori long ol dispela samting: (1) Ol Skripsa Ol i Putim, (2) Rot Bilong Painim Ol Tok i Kamapim Mining, (3) Lista Bilong Ol Buk na Nius, (4) Pasin Bilong Makim Ol Pes Bilong Ol Referens. Orait bihain mekim wok long p. 4 na stori long wanem ol buk na nius samting i stap insait long Skripsa Indeks, na wanem ol leta i makim nem bilong ol buk na nius samting. Mekim wok long Stat 3:15 na Kamapim Tok Hait 20:​12, na stori long ol referens bilong dispela tupela skripsa i makim wanem samting long Skripsa Indeks.

Singsing 116 na beten.

Wik i Kirap Long Epril 4

Singsing 119

5 min: Ol toksave bilong kongrigesen.

17 min: Laikim Tru Ol Arapela Man Bilong Lain Bilong Mi. (Jo. 13:35) Wanpela elda i mekim dispela tok em i kisim long Wastaua bilong Februeri 1, 2003, p. 15-18, par. 10-21. Olsem Ol Toksave bilong Wok Kingdom i kamapim samting bilong tilim long Epril na Me, ol i kirapim yumi long stadi wantaim ol man i bin stadi pinis long buk Save na buklet Yumi Mas Mekim Wanem? Stori long olsem wanem ol pablisa i ken wok gut wantaim ol elda long helpim ol lain i no strong long ol samting bilong spirit.

23 min: Pasin Bilong Bihainim Ol Stiatok Bilong Baibel Inap Strongim Sindaun Bilong Famili. Tupela brata i toktok long 8-pela samting i stap long buk Toktok Gut p. 261–2. Stori gut olsem em i bikpela samting long helpim Baibel sumatin long save olsem bilong famili i ken i stap amamas ol i mas kliagut na bihainim ol stiatok bilong God long Baibel. Mekim wok long stadi 8 long buklet Yumi Mas Mekim Wanem? na stori long olsem wanem ol i ken mekim olsem. Ol famili i bihainim tok bilong Baibel ol i save pas gut wantaim na ol i stap amamas na narapela i laikim narapela na stap wanbel. Kamapim ekspiriens i stap long buk Famili, sapta 13, par. 1, 21-2.

Singsing 36 na beten.

[Ol Futnot]