Stadi Long Buklet Was i Stap!
Long wik i kirap long Disemba 26, 2005 i go Janueri 23, 2006, bai yumi stadi long buklet Was i Stap! long ol Buk Stadi Bilong Kongrigesen. Mekim wok long ol askim i stap daunbilo taim yupela i redim na mekim stadi long dispela buklet. Long taim bilong stadi, ritim ol tok i stap long buklet, na ritim ol skripsa ol i no raitim tok bilong ol.
Wik i Kirap Long Disemba 26
◼ Pes 3-4: Wanem ol hevi em dispela pes i kolim i bin painim yu? Wanem samting i soim olsem ol dispela hevi i no kamap long hap bilong yu tasol?
◼ Pes 5: Wanem samting i helpim yu long bilip olsem God i save tingim yu tru? Yumi ken mekim wanem bilong soim olsem yumi save tingim tru God na ol samting em i mekim?
◼ Pes 6-8: Matyu 24:1-8, 14 i tok wanem long ol hevi bilong nau? Olsem 2 Timoti 3:1-5 i kamapim, yumi stap long wanem taim? Em las de bilong wanem samting? Wanem samting i helpim yu long bilip tru olsem Baibel em i tok bilong God? Dispela Kingdom em yumi save autim tok long en em i wanem samting?
◼ Pes 9-10: Bilong wanem yumi mas skelim gut ol samting yumi save mekim long olgeta de, na ol samting i stap namba wan long laip bilong yumi? (Ro. 2:6; Ga. 6:7) Taim yu skelim ol askim i stap long pes 10, yu inap tingim wanem ol skripsa em ol inap stiaim ol samting yu mekim?
Wik i Kirap Long Janueri 2
◼ Pes 11: Bilong wanem yumi yet i mas skelim ol askim i stap long dispela pes? (1 Ko. 10:12; Ef. 6:10-18) Ol tok yumi bekim i kamapim wanem tingting bilong yumi long tok bilong Jisas long Matyu 24:44?
◼ Pes 12-14: Dispela tok ‘taim bilong kot’ long Kamapim Tok Hait 14:6, 7 em i makim wanem samting? Wanem mining bilong dispela tok ‘pret long God na litimapim nem bilong em’? Bikpela Babilon em i wanem samting na wanem samting bai painim em? Olsem na long nau yumi mas mekim wanem? Wanem narapela samting tu i insait long dispela taim bilong kot? Yumi no save long wanem ‘de na aua’ stret God bai givim strafe long ol man, na dispela i mekim wanem long yumi? (Mt. 25:13)
◼ Pes 15: Wanem dispela bikpela tok long wok bos? Dispela i mekim wanem long yumi wan wan?
◼ Pes 16-19: “Nupela skai na nupela graun” i makim wanem samting? (2 Pi. 3:13) Husat i tok promis long kamapim ol dispela samting? Nupela skai na nupela graun bai kamapim wanem ol senis? Olsem wanem? Bai yumi olgeta wan wan i stap long nupela taim na kisim ol dispela blesing?
Wik i Kirap Long Janueri 9
◼ Pes 20-1: Jisas i givim wanem tok lukaut long ol disaipel bilong em? (Lu. 21:20, 21) Wanem taim ol inap ranawe? Bilong wanem em i bikpela samting long ol i mas ranawe kwiktaim? (Mt. 24:16-18, 21) Bilong wanem planti manmeri i save sakim tok lukaut? Planti tausen manmeri long Saina na Filipins ol i bin bihainim tok lukaut, na dispela i bin helpim ol olsem wanem? Bilong wanem em i bikpela samting long bihainim tok lukaut bilong Baibel long pinis bilong pasin nogut bilong dispela graun? Taim i sot pinis, olsem na yumi gat wanem wok? (Snd. 24:11, 12)
◼ Pes 22-3: Long Australia long 1974 na long Kolambia long 1985, bilong wanem planti man i no bihainim tok lukaut long bagarap bai kamap? Wanem samting i painim ol? Sapos yu bin stap long dispela taim, yu bai mekim wanem taim yu harim kain tok lukaut olsem? Bilong wanem yu bai mekim olsem? Sapos yumi bin stap long taim bilong Noa, wanem samting bai soim olsem yumi bihainim tok lukaut God i givim? Bilong wanem ol manmeri i laik stap long Sodom? Sapos yumi tingim gut ol samting i painim Sodom, dispela bai helpim yumi olsem wanem?
Wik i Kirap Long Janueri 16
◼ Pes 24-7: Mekim wok long ol askim i stap long blok “Ol Askim Bilong Stadi” long pes 27.
Wik i Kirap Long Janueri 23
◼ Pes 28-31: Mekim wok long ol askim i stap long blok “Ol Askim Bilong Stadi” long pes 31.
Taim yumi skelim dispela buklet, em bai helpim yumi long “was i stap” na redi. Oltaim wok bilong yumi long autim tok i mas kamapim klia dispela tok bilong ensel: “Taim i kamap pinis bilong God i skelim pasin bilong olgeta man long kot. Olsem na yupela i mas pret long em na litimapim nem bilong em.”—Mk. 13:33; KTH 14:7.