Riviu Bilong Skul Tiokratik Bilong Autim Tok
Bai yumi toktok long ol dispela askim long Skul Tiokratik Bilong Autim Tok long wik i kirap long Disemba 26, 2005. Wasman skul bai mekim riviu inap 30 minit long ol tok i bin kamap insait long skul long wik i kirap long Novemba 7 i go inap long Disemba 26, 2005. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Yumi ken mekim wanem na bai pasin bilong “laikim tru ol arapela” i as bilong ol tok yumi mekim long ol? (Fm. 9) [be p. 266]
2. Long wanem ol rot yumi inap kamapim strong long ol man “olgeta tok tru ol i mas bilip long en”? (Ta. 1:9) [be p. 267 par. 1-2]
3. Bilong wanem em i bikpela samting long mekim ol tok i strongim bel bilong ol man, na olsem wanem yumi ken mekim olsem? [be p. 268 par. 1-3, blok]
4. Olsem Moses, sapos yumi kirapim ol narapela long tingim ol samting Jehova i bin mekim bilong helpim lain bilong em, olsem wanem dispela i strongim bel bilong ol? (Lo 3:28; 31:1-8) [be p. 268 par. 5–p. 269 par. 2]
5. Bilong wanem pasin bilong amamas long toktok long ol samting Jehova i mekim long nau na ol samting em bai mekim long bihain i strongim odiens? [be p. 270-1]
TOK NAMBA 1
6. Septuagint em i wanem samting, na bilong wanem ol Kristen i laik save long en? [bsi05 p. 15 par. 12-14]
7. Ol Masoret ol i husat, na ol i bin mekim wanem bikpela samting bilong helpim wok bilong tanim tok bilong Baibel? [bsi05 p. 18 par. 18; p. 19 par. 20-1]
8. Wanem samting i olsem as bilong Ol Skripsa Hibru bilong Baibel New World Translation long tok Inglis, na bilong wanem yumi ken tok em wanpela Baibel ol i bin tanim stret tok bilong en na yumi inap bilip tru long en? [bsi05 p. 22 par. 28; p. 23 par. 30]
9. Ol Kristen bilong pastaim i bin mekim wanem bilong soim olsem ol i gat bikpela laik long raitim Tok Bilong God? [bsi05 p. 23 par. 1–p. 24 par. 5]
10. Taim yumi stadi long ol olpela rait na tok bilong Baibel, dispela i kamapim klia wanem samting? [bsi05 p. 30 par. 32]
BAIBEL RITIM BILONG WIK
11. Olsem wanem tok bilong 1 Stori 29:5 i stret long lain bilong Jehova long nau?
12. Taim Solomon i mekim beten bilong dediketim tempel, olsem wanem em i kamapim klia olsem Jehova i save tingim ol samting lain bilong em i sot long en, na tu, em i save long sindaun bilong olgeta wan wan man i pret long em? (2 Sto. 6:29, 30)
13. Taim Gok bilong Magok i kirap pait long lain bilong God, yumi mas mekim wanem olsem 2 Stori 20:17 i tok?
14. Samting i bin painim King Usia bilong Judia i ken lainim yumi long wanem samting long strong man i holim? (2 Sto. 26:15-21)
15. Olsem wanem 2 Stori 20:22, 23 i kamapim klia ol samting bai painim dispela graun em Satan i bosim?