Ol Miting Bilong Wok

Wik i Kirap Long Jun 13

Singsing 198

10 min: Ol toksave bilong kongrigesen. Sampela Toksave bilong Wok Kingdom. Mekim wok long ol tok i stap long laspela pes bilong soim pasin bilong tilim Wastaua bilong Me 15 na Awake! bilong Me 22. Yupela i ken bihainim ol narapela pasin i stret long hap bilong yupela. Long wanpela soim, pablisa i tilim ol nius long pasin bilong autim tok long kain kain taim na ples.

15 min: Ol Blesing Bilong Wok Painia. Wasman autim tok i mekim dispela tok i kam long Wok Kingdom Bilong Yumi bilong Ogas 2003, p. 8. Stori olsem yumi no winim yet mak bilong 200 painia oltaim, na i gat bikpela wok moa bilong ol brata i winim mak long mekim dispela wok.

20 min: “Wok Autim Tok i Helpim Yumi Long Sanap Strong.”a Askim odiens long stori long sampela skripsa ol i no raitim tok bilong en.

Singsing 149 na beten.

Wik i Kirap Long Jun 20

Singsing 206

5 min: Ol toksave bilong kongrigesen. Tokim olgeta long bringim buk Kisim Skul Long Bikpela Tisa i kam long miting long wik antap.

20 min: Tok Bilong God i Wok Strong. (Hi. 4:12) Wanpela tok i kam long Wastaua bilong Novemba 15, 2003, p. 11, par. 13-17. Kamapim ol ekspiriens i soim olsem wanem tok bilong Baibel inap kirapim ol man long senisim pasin bilong ol. (w00 1/1 p. 3-5) Strongim olgeta long mekim gutpela wok long Baibel long olgeta hap wok bilong wok autim tok.

20 min: “Mekim Ol Baibel Stadi i Save Helpim Ol Man​—⁠Namba 10 Hap.”b Mekim wanpela soim long pasin bilong mekim traim. Taim sumatin i mekim traim, tisa i stap olsem man bilong haus na em i mekim wanpela tok em planti man i save mekim bilong katim tok. Taim sumatin i no save em bai tok wanem, tisa i stori gut long em i ken mekim wanem. Na tu, pasim tok wantaim wanpela o tupela pablisa long stori long helpim ol i bin kisim taim ol i kirap autim tok long ol haus.

Singsing 208 na beten.

Wik i Kirap Long Jun 27

Singsing 113

7 min: Ol toksave bilong kongrigesen. Kirapim ol pablisa long putim ripot bilong wok autim tok bilong mun Jun. Ritim ripot bilong ol akaun na tok tenkyu long ol kontribiusen. Mekim wok long ol tok i stap long laspela pes bilong soim pasin bilong tilim Wastaua bilong Jun 1 na nupela Kirap! Yupela i ken bihainim narapela pasin i stret long hap bilong yupela. Bihain long soim, kolim gen tok pablisa i bin mekim pastaim bilong kirapim tingting bilong man bilong haus long harim tok.

20 min: Samting Ol Pikinini i Mas Kisim Long Papamama. Wanpela tok na kamapim sampela askim long buk Kisim Skul Long Bikpela Tisa, p. 6-7. Em i bikpela samting long ol pikinini i mas lainim ol stiatok bilong Baibel long ol samting bilong lotu i tru na long kliagut long bikpela wok papamama i mekim bilong skulim ol. Stori long ol rot bilong stadi long dispela buk em buk i kamapim. Kirapim ol papamama long stori olsem wanem ol i bin yusim dispela buk bilong mekim stadi. Stretim rot bilong wanpela o tupela pikinini i stori long as na ol i amamas tru long dispela buk.

18 min: Tilim Ol Buklet Long Julai na Ogas. Wanpela tok na kamapim sampela askim long namel pepa bilong dispela Wok Kingdom. Stori liklik long rot bilong yusim namel pepa, stori long blok long p. 3 na ol bikpela tok i stap long Wok Kingdom bilong Janueri 2005, p. 8. Kamapim ol tok i stret long teritori bilong yupela bilong tilim ol buklet long namba wan taim yumi bungim man. Mekim tupela o tripela soim yupela i bin redim gut bilong tilim ol buklet. Long wanpela soim, yangpela pablisa i tilim buklet.

Singsing 196 na beten.

Wik i Kirap Long Julai 4

Singsing 70

5 min: Ol toksave bilong kongrigesen.

20 min: Yu Gat Famili Sediul? Mekim riviu long namel pepa bilong Me 2005 Wok Kingdom Bilong Yumi, askim odiens long stori long ol samting ol i bin mekim bilong bihainim tok bilong namel pepa na ol gutpela samting dispela i bin kamapim.

20 min: “Autim Gut Tok Long Ol Pablik Ples.”c Kamapim ol tok i stret long teritori bilong yupela.

Singsing 120 na beten.

[Ol Futnot]