Ol Miting Bilong Wok

HARIM: Wok Kingdom bai makim Miting Bilong Wok long olgeta wik long Novemba na Disemba. Ol kongrigesen i ken senisim ol miting bambai ol i ken go long “Bihainim Tok Bilong God” Kibung Distrik. Sapos i stret, yupela i ken mekim wok long 15 minit bilong laspela Miting Bilong Wok bai kamap paslain long kibung na stori long sampela bikpela tok bilong namel pepa yumi kisim wantaim Wok Kingdom bilong nau. Long Janueri 2006, ol bai makim wanpela hap bilong Miting Bilong Wok we ol pablisa i ken stori long ol tok bilong kibung i bin helpim ol long wok autim tok bilong ol. Long dispela hap bilong miting bai yumi stori long olsem wanem yumi bin bihainim ol dispela tok bilong kibung na dispela i bin helpim yumi long mekim gut wok autim tok.

Wik i Kirap Long Oktoba 10

Singsing 17

10 min: Ol toksave bilong kongrigesen. Sampela Toksave bilong Wok Kingdom. Mekim wok long ol tok i stap long p. 10 (sapos i stret long teritori bilong yupela) na mekim soim long pasin bilong tilim Wastaua bilong Septemba 15 na Awake! bilong Septemba 22. Bihain long wan wan soim, stori long sampela gutpela samting bilong soim. Na tu, kamapim ol narapela stori insait long Wastaua na Awake! em ol man long teritori bilong yupela bai laik long ritim.

15 min: Yu Gat Pasin Bilong Rit? Toktok wantaim ol bratasista na kamapim ol askim long buk Skul Bilong Autim Tok, p. 21-6. Yumi ken makim wanem ol samting bilong ritim? (p. 21, blok) Bilong wanem em i bikpela samting long yumi mas ritim ol buk na nius ol i redim? (p. 23, par. 2) Wanem nambawan samting em yumi mas mekim na bai dispela i helpim yumi long rit? (p. 26, par. 2-3) Yu save makim wanem taim bilong ritim Wastaua na Kirap!? Olsem wanem dispela i bin helpim yu?

20 min: “Autim Strong Tok Bilong God na No Ken Pret.”a Askim odiens long stori long wanem ol taim we ol i mas strongim bel na autim tok maski i hatwok long mekim olsem. Wanem samting i bin helpim ol long strongim bel na autim tok?

Singsing 78 na beten.

Wik i Kirap Long Oktoba 17

Singsing 209

10 min: Ol toksave bilong kongrigesen. Mekim wok long namba 3 hap bilong namel pepa long Wok Kingdom bilong Septemba 2005, na stori liklik long wanpela o tupela samting long olsem wanem yumi ken mekim gutpela wok long Baibel taim yumi mekim Baibel stadi.

15 min: Kirapim Ol Man Long Magasin-Raun Long Harim Tok. Wanpela tok na kamapim sampela askim long p. 8 bilong Wok Kingdom bilong Me 2005. Olsem wanem yumi ken kirapim wanpela magasin-raun? (par. 1) Olsem wanem yumi ken redim sampela skripsa bilong yumi ken ritim long man? (par. 3) Bilong wanem yumi i no ken ritim tasol wanpela skripsa yumi redim? (par. 4) Olsem wanem wanpela man long magasin-raun bilong yu inap kirap stadi long Baibel? (par. 5) Mekim soim long wanpela pablisa i ritim wanpela skripsa taim em i toktok wantaim wanpela man long magasin-raun bilong em.

20 min: Ol Yangpela Em Ol i Sanap Strong na Soim Pasin Rispek Tu. Wanpela elda i mekim dispela tok em i kisim long Wastaua bilong Septemba 15, 2002, p. 23-4, aninit long liklik het tok “Ol i No Mekim.” Sampela de paslain long miting stretim rot long wanpela o tupela yangpela long stori long ol hevi ol i kisim long skul na wanem samting i bin helpim ol long karim ol dispela hevi.

Singsing 222 na beten.

Wik i Kirap Long Oktoba 24

Singsing 68

10 min: Ol toksave bilong kongrigesen. Kamapim ripot bilong akaun na tok tenkyu long ol kontribiusen. Mekim wok long ol tok i stap long namel pepa bilong Wok Kingdom bilong Janueri 2005 o yu ken mekim wok long narapela pasin bilong autim tok i stret long teritori bilong yupela, na mekim soim long pasin bilong tilim buk long mun Novemba.​—⁠Lukim Wok Kingdom bilong Februeri 2005, p. 10, par. 5.

15 min: Tok bilong helpim kongrigesen.

20 min: Bihainim Lo Bilong Jehova Long Ol Samting Bilong Bilas na Mekim Gut Skin. Wanpela elda i mekim dispela tok em i kisim long Wastaua bilong Ogas 1, 2002, p. 17-19. Askim odiens long stori long olsem wanem pasin bilong bilas na mekim gut skin inap opim rot bilong yumi long autim tok.

Singsing 153 na beten.

Wik i Kirap Long Oktoba 31

Singsing 36

5 min: Ol toksave bilong kongrigesen. Kirapim ol pablisa long putim ripot bilong wok autim tok bilong Oktoba.

25 min: “Litimapim Nem Bilong Jehova Namel Long Bikpela Lain Manmeri.”b Kuskus bilong kongrigesen i lukautim dispela hap. Toksave long wanem hap kibung bai kamap long en. Bihainim pasin olsem ol i save mekim long Stadi Wastaua na stori long dispela hap. Wanpela brata ol i makim i ken ritim ol paragraf. Stori long dispela blok “Sampela Samting Bilong Kibung Distrik Yumi Mas Tingim.”

15 min: “Tingim Gut Narapela na Mekim Gutpela Pasin.”c Askim odiens long stori long olsem wanem yumi ken soim olsem yumi tingim ol man taim yumi autim tok. Ol Wok Kingdom bai kamap bihain bai stori long sampela samting moa bilong pasin bilong tingim gut narapela.

Singsing 2 na beten.

Wik i Kirap Long Novemba 7

Singsing 39

10 min: Ol toksave bilong kongrigesen. Mekim wok long ol tok i stap long p. 10 (sapos i stret long teritori bilong yupela), na mekim soim long pasin bilong tilim Wastaua bilong Oktoba 1 na Kirap! bilong Oktoba–Disemba. Long wanpela soim, kamapim tok bilong blok “Long Wastaua Bihain” bilong opim rot long yu ken i go bek lukim man bilong haus.​—⁠Lukim Wok Kingdom bilong Oktoba 1998, p. 12, par. 8.

15 min: Lain Long Putim Gut Yau Long Ol Miting. Wanpela tok na kamapim sampela askim long Wastaua bilong Septemba 15, 2002, p. 12-14, par. 11-14. Stori long sampela samting Wastaua i kolim em yumi ken mekim bambai yumi ken putim gut yau long miting, na askim odiens long stori long wanem samting i bin helpim ol long putim gut yau long taim bilong ol miting.

20 min: “Kisim Pasin Bilong Toktok Gut Wantaim Ol Man.”d Askim sampela pablisa long stori long olsem wanem ol i bin toktok gut wantaim ol man bilong narapela narapela hap.

Singsing 50 na beten.

[Ol Futnot]