Ol Miting Bilong Wok

Wik i Kirap Long Februeri 13

Singsing 121

10 min: Ol toksave bilong kongrigesen. Mekim wok long ol tok i stap long laspela pes bilong dispela Wok Kingdom o narapela pasin bilong autim tok i stret long teritori bilong yupela, na mekim ol soim long pasin bilong tilim Wastaua bilong Janueri 15 na Awake! bilong Janueri. Long wanpela soim, pablisa i autim tok long wanpela pablik ples.

10 min: Olsem Wanem? Yu Wokabaut Wantaim Oganaisesen Bilong Jehova? Wanpela tok i kam long buk Oganaisesen Bilong Mekim Laik Bilong Jehova, p. 7-10.

25 min: “Tokim Ol Narapela Long ‘Lait Bilong Graun.’ ”a Wasman autim tok bai lukautim dispela hap. Kolim nem bilong ol bratasista bai mekim wok painia haptaim. Toksave long sampela bung moa bilong autim tok. Stori long ol sediul i stap long namel pepa bilong Wok Kingdom bilong Februeri 2005, p. 5.

Singsing 224 na beten.

Wik i Kirap Long Februeri 20

Singsing 89

10 min: Ol toksave bilong kongrigesen. Ol Toksave bilong Wok Kingdom.

15 min: “Buk Baibel i Tok​—⁠Nambawan Buk Bilong Mekim Baibel Stadi.”b Kirapim ol bratasista long yusim nupela buk long mekim ol Baibel stadi.

20 min: “Pasin Bilong Kirapim Baibel Stadi Long Buk Baibel i Tok.” Toktok wantaim ol bratasista na mekim ol soim i stap long p. 5 long namel pepa. Yumi ken kirap nau long yusim buk Baibel i Tok long mekim ol Baibel stadi wantaim ol man i laik harim tok. Stretim rot bilong mekim tripela soim long pasin bilong mekim wok long (1) p. 4-5, (2) p. 6, na (3) namba wan paragraf long p. 7 bilong kirapim wanpela Baibel stadi taim yumi mekim gobek. Paslain long soim, stori long ol bikpela samting bilong soim, na bihain long soim, kamapim gen ol dispela samting. Taim ol i mekim ol soim, ol i no ken pulim longpela stori long ol paragraf. Long pinis bilong wan wan soim, pablisa i stretim rot bilong i go bek lukim man bilong haus.

Singsing 1 na beten.

Wik i Kirap Long Februeri 27

Singsing 20

10 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribiusen i go long brens na brens i tok tenkyu long dispela, orait kamapim dispela tok tenkyu long kongrigesen. Kirapim ol pablisa long putim ripot bilong mun Februeri. Mekim wok long ol tok i stap long laspela pes bilong dispela Wok Kingdom o yupela i ken bihainim ol narapela pasin i stret long teritori bilong yupela, na mekim soim long pasin bilong tilim Wastaua bilong Februeri 1 o Kirap! bilong Janueri–Mas.

10 min: Tok bilong helpim kongrigesen.

25 min: “Pasin Yu Ken Bihainim Bilong Tilim Buk Baibel i Tok.” Bai yumi tilim dispela buk long mun i kam bihain, tasol yu ken kirap nau long tilim dispela buk long ol narapela. Stori gen long ol tok i stap long p. 5-8, na mekim ol soim long pasin i stret long teritori bilong yupela. Askim odiens long stori long sampela ekspiriens ol i bin kisim taim ol i tilim dispela buk, na moa yet sapos ol i bin kirapim sampela Baibel stadi.

Singsing 148 na beten.

Wik i Kirap Long Mas 6

Singsing 51

10 min: Ol toksave bilong kongrigesen. Ol liklik nius i no hatwok long karim long bek bilong yumi na ol i gat ol gutpela piksa long en, olsem na ol i gutpela bilong kirapim tok wantaim ol man taim yumi autim tok long ol haus, long ol ples i gat planti man, na taim yumi autim tok long kain kain taim na ples. Mekim soim long pasin bilong kirapim tok long rot bilong nupela liklik nius Olgeta Pen na Hevi​—⁠Klostu Bai Pinis! Kamapim wanpela skripsa i stap long p. 2 bilong liklik nius.

15 min: “Tingim Gut Man​—⁠Long Rot Bilong Redi Gut.”c Mekim wanpela soim we tupela pablisa i wok long redi long tilim buk Baibel i Tok. Tupela i makim wanpela tok i stap long p. 5-8 bilong namel pepa na ol i stori long olsem wanem ol i ken mekim long toktok bilong ol yet na senisim ol tok na bai i stret long teritori bilong ol. Ol i pinisim soim taim ol i mekim traim tok ol bai mekim long taim bilong autim tok.

20 min: “Ol Papamama​—⁠Skulim Ol Pikinini Taim Ol i Liklik Yet.”d Kamapim sampela tok bilong Wastaua bilong Epril 15, 1998, p. 32. Askim ol papamama long stori long ol gutpela samting i kamap taim ol i kirap skulim ol pikinini bilong ol taim ol i liklik yet.

Singsing 68 na beten.

[Ol Futnot]