Ol Miting Bilong Wok

Wik i Kirap Long Novemba 13

Singsing 152

10 min: Ol toksave bilong kongrigesen. Mekim wok long ol tok i stap long laspela pes o ol narapela pasin bilong autim tok i stret long teritori bilong yupela na mekim soim long pasin bilong tilim Wastaua bilong Oktoba 15 na Awake! bilong Oktoba. Long wanpela soim, pablisa i toktok wantaim man i tok “Mi save gut long wok bilong yupela.”​​—⁠Lukim buk Toktok Gut, p. 21.

20 min: Ol Wokman Bilong Autim Gutnius. Wanpela tok na kamapim sampela askim long buk Oganaisesen Bilong Mekim Laik Bilong Jehova, p. 77 i go long het tok long p. 83.

15 min: “No Ken Pret Long Tokaut, Tasol Mekim Long Pasin Isi.”a Kamapim tu sampela tok bilong buk Skul Bilong Autim Tok, p. 252-3, aninit long het tok “Taim Bilong Bihainim Laik Bilong Narapela.”

Singsing 39 na beten.

Wik i Kirap Long Novemba 20

Singsing 132

5 min:  Ol toksave bilong kongrigesen. Sampela Toksave bilong Wok Kingdom.

20 min: “Putim Gut Yau.” Wanpela tok na kamapim sampela askim. Kamapim tu ol bikpela tok bilong buk Skul Bilong Autim Tok, p. 13-16. Bilong skelim pasin bilong yumi long putim gut yau, tingim hamas tok yu inap tingim bek. Askim odiens long kamapim sampela bikpela poin ol sumatin i bin stori long en nau long Skul Tiokratik Bilong Autim Tok.

20 min: Tilim buk Nambawan Man long Disemba. Toktok wantaim odiens na kamapim ol askim. Askim odiens long kamapim tingting bilong ol long ol samting ol i laikim long buk Nambawan Man na ol i ken stori long sampela gutpela ekspiriens ol i bin kisim taim ol i tilim dispela buk. Stori long ol pasin bilong tilim buk olsem i stap long namel pepa bilong Wok Kingdom bilong Janueri 2005. Mekim soim long pasin bilong tilim buk long rot bilong wanpela tok i stap long dispela namel pepa o narapela tok i stret long teritori bilong yupela.

Singsing 203 na beten.

Wik i Kirap Long Novemba 27

Singsing 111

5 min: Ol toksave bilong kongrigesen. Kamapim ripot bilong akaun na tok tenkyu long ol kontribiusen ol bratasista i putim.

10 min: Wanbel Long Sanapim Ol Haus Bilong Givim Biknem Long God. Wanpela elda i mekim dispela tok em i kisim long Wastaua bilong Novemba 1, 2006, p. 17-21.

15 min: “Rot Bilong Redim Tok Bilong Tilim Nius.”b Mekim wanpela soim long 3 minit we tupela pablisa, ating tupela marit, i ken makim wanpela tok bilong tilim nius i stap long laspela pes na ol i toktok long olsem wanem ol bai kamapim dispela tok long toktok bilong ol yet. Orait nau, ol i bihainim ol tok long dispela hap “Rot Bilong Redim Tok Bilong Tilim Nius,” na ol i redim na mekim soim long pasin bilong kamapim narapela stori long nius i stret long teritori bilong ol.

15 min: Mi Gat Wanem Tingting Long Ol Liklik Liklik Hap Bilong Blut na Wok Ol Dokta Inap Mekim Long Blut Bilong Mi Yet? Wanpela elda i ken mekim dispela tok em i kisim long Wastaua bilong Jun 15, 2004, p. 29-​31, na Wastaua bilong Oktoba 15, 2000, p. 30-​1.

Singsing 120 na beten.

Wik i Kirap Long Disemba 4

Singsing 155

8 min: Ol toksave bilong kongrigesen. Kirapim ol pablisa long putim ripot bilong wok autim tok bilong Novemba.

15 min: Askim. Wanpela elda i mekim dispela tok.

22 min: Mekim Wok Long Baibel Taim Yu Bekim Tok. Toktok wantaim odiens long Wastaua bilong Ogas 15, 2002, p. 17-18, aninit long het tok “Kamapim Klia Yumi Laikim Ol Tok i Tru Yumi Skulim Ol Man Long En.” Kirapim odiens long bekim ol askim. Mekim wanpela soim long pablisa i yusim buk Toktok Gut long kamapim tok bilong Baibel bilong bekim askim bilong wanpela wanwok i gat askim, “Bilong wanem yu no save mekim Krismas?”

Singsing 168 na beten.

[Ol Futnot]