Ol Miting Bilong Wok

Wik i Kirap Long Mas 12

Singsing 153

10 min: Ol toksave bilong kongrigesen. Mekim wok long ol tok i stap long laspela pes o ol narapela pasin bilong autim tok i stret long teritori bilong yupela, na mekim soim long pasin bilong tilim Wastaua bilong Februeri 15 na Awake! bilong Februeri.

15 min: Lukaut Long Ol Kastam God i No Laikim. Wanpela elda i mekim dispela tok i stap long Wastaua bilong Janueri 1, 2005, p. 27-​30. Stori long ol samting i stret long hap bilong yupela.

20 min: “Yupela i Mas Mekim Olsem Bilong Tingim Mi.”a Taim yupela i skelim par. 3, kamapim sampela tok bilong Wok Kingdom bilong Mas 2006, p. 1, par. 3, long olsem wanem pablisa i ken yusim buk Baibel i Tok bilong stori gut long bung bilong Memorial long ol nupela man em yumi singautim i kam long Memorial.

Singsing 168 na beten.

Wik i Kirap Long Mas 19

Singsing 45

10 min: Ol toksave bilong kongrigesen. Sampela Toksave bilong Wok Kingdom. Stori long ol bikpela tok bilong blok “Ol Samting Bilong Tingim Long Memorial” i stap long p. 4.

20 min: Ol Rot Bilong Mekim Bikpela Wok Moa Bilong Autim Tok. Wanpela tok na kamapim sampela askim long sapta 10 bilong buk Oganaisesen Bilong Mekim Laik Bilong Jehova.

15 min: “Bai Yu Bekim Olsem Wanem?”b Mekim wanpela sotpela soim long wanpela famili i mekim wok long dispela hap “Bai Yu Bekim Olsem Wanem?” long Kirap! long famili stadi bilong ol.

Singsing 216 na beten.

Wik i Kirap Long Mas 26

Singsing 115

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong mun Mas. Kamapim ripot bilong ol akaun na tok tenkyu long ol kontribiusen. Mekim wok long ol tok i stap long laspela pes bilong Wok Kingdom o narapela pasin bilong autim tok i gutpela long teritori bilong yupela, na mekim soim long pasin bilong tilim Wastaua bilong Mas 1 na Awake! bilong Februeri na pablisa i tilim tu pepa bilong singautim man i kam long Memorial.

15 min: Ol Gutpela Samting Bilong Helpim Yumi. Wanpela elda i lukautim dispela hap, em i toktok long ol samting olsem kat Advance Medical Directive⁠/⁠Release na “Askim” i stap long Wastaua, Jun 15, 2004 na Oktoba 15, 2000, em ol i wokim bilong helpim yumi long skelim gut ol samting yumi mas mekim taim yumi sik. Brens ofis i salim ol kat Advance Medical Directive/Release na Identity Card i go long olgeta wan wan kongrigesen. Ol pablisa i baptais pinis i ken kisim dispela kat bihain long dispela miting. Sapos inap, ol bratasista i ken sainim nem na raitim det samting long kat long neks Buk Stadi Bilong Kongrigesen. Ol wasman bilong Buk Stadi i mas stretim ol samting na bai olgeta long grup bilong ol i raitim kat Advance Medical Directive/Release na ol i ken helpim ol bratasista sapos ol i laik kisim helpim. Ol brata i sainim nem olsem witnes i mas lukim brata o sista i sainim nem bilong em long kat. Bihain long dispela miting, ol papamama i baptais pinis i ken kisim Identity Card bilong ol pikinini bilong ol. Ol pablisa i no baptais yet ol i ken kisim sampela tok i stap long dispela kat na wokim kat i stret long sindaun na bilip bilong ol yet na bilong ol pikinini bilong ol. Kamapim klia olsem em i savepasin long skelim gut pastaim ol samting yumi wan wan i laik mekim taim yumi sik, na i stret wantaim maus bilong bel em Baibel i skulim pinis. (Snd. 14:15; 27:12) Em i bikpela samting long toktok gut pastaim wantaim ol dokta samting long ol wok bilong dokta na marasin samting yumi ken orait long en. (Ritim blok i stap long Wastaua bilong Jun 15, 2004, p. 31 na ritim tu par. 2 na blok i stap long Wastaua bilong Oktoba 15, 2000, p. 31.) Bilong wokim ol disisen i stret long ol samting yumi mas mekim long blut na marasin yumi mas stadi gut long ol tok i stap long ol dispela Wastaua. Ol elda i amamas long helpim yumi, tasol ol i no inap tokim yumi long ol samting yumi mas mekim.

20 min: Bai Mi Mekim Wanem Long Laip Bilong Mi? Kisim tok long Kirap! bilong Oktoba-Disemba 2006, p. 15-​17. Sapos inap, toktok wantaim wanpela o tupela brata o sista em ol i insait long fultaim sevis taim ol i pinis long skul. Bilong wanem ol i makim fultaim sevis olsem wok ol i laik mekim? Ol i kisim wanem ol blesing?

Singsing 148 na beten.

Wik i Kirap Long Epril 2

Singsing 177

8 min: Ol toksave bilong kongrigesen. Sapos Wastaua bilong Epril 1, 2007, i kam pinis, orait stori long tok i stap long baksait bilong en, na kirapim ol pablisa long singautim ol man i gat laik long harim tok long i kam harim spesel pablik tok bai kamap long Epril 15.

7 min: Wasman siaman i stori long Askim.

20 min: Wok Yet Long Helpim Ol Man i Bin Kam Long Memorial. Wanpela elda i lukautim dispela hap. Toksave long hamas i bin kam long Memorial, na hamas man i gat laik long harim tok i bin kam long bung. Kamapim sampela ekspiriens bilong sampela em ol i kam long Memorial o ol i bin toktok wantaim atendan bihain long bung bilong askim long stadi long Baibel. Stori long olsem wanem ol bratasista i ken helpim ol lain i bin kam long Memorial. (Lukim km 3/06 p. 1, par. 5; km 2/05 p. 4, par. 9; km 2/04 p. 5, par. 16.) Kirapim olgeta pablisa long i go bek kwiktaim na lukim ol man i bin kam long Memorial.

10 min: Stori long ol bikpela tok bilong “Pas i Kam Long Gavening Bodi.”

Singsing 179 na beten.

[Ol Futnot]