Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Februeri 25, 2008. Wasman skul bai mekim riviu inap 30 minit long ol tok i bin kamap insait long skul long wik i kirap long Janueri 7 i go inap long Februeri 25, 2008. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-37.]
PASIN BILONG TOKTOK
1. Yumi mas mekim wanem na bai yumi helpim odiens long kliagut long mining bilong ol skripsa? Bilong wanem yumi mas mekim olsem? [be p. 228 par. 3-4]
2. Bilong wanem yumi mas mekim tok i givim save long odiens bilong yumi? Olsem wanem yumi inap mekim olsem? [be p. 230 par. 3-5, na blok]
3. Olsem wanem pasin bilong painim sampela save insait long ol buk samting inap helpim tok bilong yumi? [be p. 231 par. 1-3]
4. Yumi ken mekim wanem taim yumi stori long wanpela skripsa em ol man i save gut long en? [be p. 231 par. 4-5]
5. Bilong wanem em i bikpela samting long yumi stori gut long skripsa yumi ritim? [be p. 232 par. 3-4]
TOK NAMBA 1
6. Wanem samting i makim olsem Matyu i raitim buk bilong em bilong helpim ol Juda? [bsi08-1 p. 4 par. 6-7]
7. Olsem wanem yumi ken redim bel bilong yumi na bai yumi kisim tok bilong God em brata i mekim tok long pletfom i autim? (2 Sto. 20:33) [be p. 13 par. 4–p. 14 par. 4]
8. Papamama i ken mekim wanem bilong skulim ol pikinini bilong ol long kisim ‘gutpela tingting na bai God i ken kisim bek ol’? (2 Ti. 3:15) [be p. 16 par. 3-4]
9. Olsem wanem Buk Matyu i stori long truim bilong ol tok profet? [bsi08-1 p. 5 par. 32]
10. Gutnius Matyu i Raitim i tok Jisas em i dispela Mesaia na King, orait Gutnius Mak i Raitim i stori olsem wanem long Jisas? [bsi08-1 p. 7 par. 7-8]
BAIBEL RITIM BILONG WIK
11. Wanem pasin i moa nogut? Pasin bilong autim belhat o pasin bilong bel nogut i stap? [w08 1/15 “Tok Bilong Jehova i Gat Laip—Sampela Bikpela Tok Bilong Buk Matyu”]
12. Ol Kristen i save mekim wanem na bai ‘ai bilong ol i gutpela’? (Mt. 6:22, 23) [w06 10/1 p. 29]
13. Taim Jisas i askim ol disaipel olsem ‘ol i save long as bilong dispela olgeta tok,’ Jisas i laik tok wanem? (Mt. 13:51, 52) [w08 1/15 “Tok Bilong Jehova i Gat Laip—Sampela Bikpela Tok Bilong Buk Matyu”]
14. Bilong wanem Jisas i no laik bai ol man em i oraitim i “autim tok bilong em long ol arapela”? (Mt. 12:16) [w90 2/1 p. 9; cl p. 94]
15. Wanem mining bilong dispela tok bilong Jisas long “skel” man i “givim long ol man”? (Mk. 4:24, 25) [w81 10/1 p. 7-8; gt sapta 43]