Vidio The Bible—A Book of Fact and Prophecy
Vidio Mankind’s Oldest Modern Book em namba wan bilong tripela narapela narapela vidio i stap long DVD The Bible—A Book of Fact and Prophecy. Taim yupela i lukim pinis dispela vidio, bekim ol dispela askim.
(1) Tok bilong Baibel i wanbel wantaim tok bilong saiens long wanem ol rot? (2) Olsem wanem yumi ken save olsem ol tok bilong Baibel bilong nau i wankain olsem ol tok ol i bin raitim bipo? (3) Wanem wanpela gutpela samting bilong ol olpela rait bilong Baibel? (4) Long wanem ol rot John Wycliffe, Johannes Gutenberg, William Tyndale, John Hus, Martin Luther, Casiodoro de Reina, na Charles Taze Russell i bin helpim wok bilong autim Tok Bilong God long olgeta hap bilong graun? Ol lotu i mekim wanem bilong birua tru long Baibel? (5) Olsem wanem ol tok bilong Baibel i helpim ol man i gat hevi long helt (Sng. 34:8), hevi bilong pilai laki (1 Ti. 6:9, 10), hevi bilong marit i bruk na poroman i no stap gut long narapela (1 Ko. 13:4, 5; Ef. 5:28-33), na ol man i tingting tasol long kisim planti samting bilong skin (Mt. 16:26)? (6) Wanem samting i kamapim klia olsem pasin bilong bihainim ol tok bilong Baibel i daunim pasin bilong birua long ol man bilong narapela kantri, narapela lain, na ol man i gat narapela kala skin (Lu. 10:27)? (7) Pasin bilong lainim ol tok bilong Baibel i bin givim bikpela amamas moa long yu long wanem ol rot? (8) Olsem wanem yu inap yusim dispela vidio bilong helpim ol narapela?