Amamas Long Video The Bible—Mankind’s Oldest Modern Book
Ol askim daunbilo i kamapim ol bikpela tok yu bin harim taim yu lukim dispela video: (1) Wanem ol samting i soim olsem Baibel em i winim tru olgeta narapela buk? (2) Kamapim wanpela tok em Baibel i kamapim long bipo tru, tasol dispela tok i stret wantaim ol samting ol saveman bilong saiens i painim long nau. (3) Olsem wanem yumi ken save ol tok bilong Baibel bilong nau i wankain olsem ol tok ol i bin raitim long bipo? (4) Wanem wanpela gutpela samting bilong ol olpela rait bilong Baibel, na dispela i strongim bilip bilong yu long wanem samting? (5) Long wanem ol rot Jon Wiklif, Johanes Gutenbek, Wiliam Tindel, Mary Jones, and Charles Taze Russell i bin helpim wok bilong autim Tok Bilong God long olgeta hap bilong graun? (6) Ol lotu i mekim wanem bilong birua tru long Baibel, tasol wanem samting i bin lukautim Baibel na em i stap i kam inap long taim bilong yumi? (7) Oganaisesen bilong Jehova i bin mekim wanem bilong tanim tok bilong Baibel na bilong prinim ol? (8) Olsem wanem ol tok bilong Baibel i bin helpim ol man i gat hevi bilong pilai laki (1 Ti 6:9, 10), hevi bilong marit i bruk na poroman i no stap gut long narapela (1 Ko 13:4, 5; Ef 5:28-33), na ol man i tingting tasol long kisim planti samting bilong skin (Mt 16:26)? (9) Wanem samting i kamapim klia olsem pasin bilong bihainim ol tok bilong Baibel i daunim pasin bilong birua long ol man bilong narapela kantri, narapela lain, na ol man i gat narapela kala skin? (10) Long wanem ol rot pasin bilong lainim ol tok bilong Baibel i bin givim bikpela amamas moa long yu? (11) Yu ting husat inap kisim helpim long dispela video, na olsem wanem yu bai soim dispela video long ol?