Young People Ask—What Will I Do With My Life? (Hap 1)
Taim ol yangpela i kamap bikpela, ol i mas wokim ol bikpela disisen. Mipela i redim DVD Young People Ask—What Will I Do With My Life? bilong helpim ol. Long main menu makim Play Drama na pilaim, na traim long bekim ol askim long paragraf 2. Bihain, go bek long main menu, presim Interviews na bihain makim Looking Back na pilaim, na traim long bekim ol askim long paragraf 3.
Drama: (1) Olsem wanem ol samting i painim Timoti i wankain long planti yangpela Kristen long nau? (2) Husat i putim presa long Andre long kamap gutpela moa bilong resis? (3) Brata Fleissig i tok wanem long Andre long (a) pasin bilong givim bel olgeta long Jehova na long spot wantaim? (Mat. 6:24) (b) rot bilong i stap amamas tru? (c) raunpela plet bilong em bilong haus kalabus i kirapim em long tingim wanem samting? (d) ol manmeri long poto wantaim em na meri bilong em? (e) em i bel hevi long lusim samting em i bin laikim tru o nogat? (Fili. 3:8) (4) Olsem wanem bubu meri i bekim dispela askim bilong Andre olsem, “I gat rong long mi laik kamap gutpela man bilong resis”? (Luk 4:5-7) (5) Olsem wanem? Andre i kisim bikpela amamas long winim resis? (6) Yu laikim wanem samting long pas Brata Fleissig i givim long Andre? (Snd. 10:22) (7) Brata Fleissig i helpim Andre long luksave long wanem samting?
Looking Back: (8) Dispela brata na sista i bin mekim wanem ol wok? Wanem as na ol i mekim? (9) Ol i bin kisim wanem kain biknem? (10) Wanem samting i kirapim ol long lusim wok ol i bin mekim? (2 Kor. 5:15) (11) Ol i mekim wanem ol wok tiokratik i olsem senis bilong wok ol i bin mekim? Bilong wanem ol i pilim olsem ol i no inap mekim tupela wok wantaim? (12) Ol i bel hevi long ol i bin senisim wok bilong ol? (13) Wanem tok bilong ol i kirapim yu long tingim samting yu mas mekim long laip bilong yu?
Yupela i ken lukim ol narapela intaviu na ol narapela hap bilong DVD, na redi long bekim ol askim long Miting Bilong Wok long wik bilong Oktoba 1.