Bai Yu Mekim Wanem Long Laip Bilong Yu?
1 Sampela taim ol man i save askim ol pikinini olsem, “Yu laik mekim wanem kain wok taim yu kamap bikpela?” Taim yu liklik mangi yet, yu bin tok olsem yu laik kamap pailot? dokta? wasman sekit? O taim yu liklik meri, yu bin tok olsem yu laik kamap tisa? nes? painia? Nau taim yu bikpela liklik, yu mas mekim narapela askim long yu yet, ‘Bai mi mekim wanem long laip bilong mi?’ Olsem wanem? Yu redi long makim samting yu laik mekim?
2 Bilong helpim yu long makim nambawan gutpela rot, oganaisesen bilong Jehova i bin wokim DVD Young People Ask—What Will I Do With My Life? Plis lukim dispela DVD, na tingting gut long olgeta tok i kamap long en, olsem drama, ol inteviu, na sampela tok moa. Blok “Main Menu” i soim ol samting i stap long dispela DVD.
3 Drama: Taim yu lukim drama, tingim ol dispela askim: (1) Wanem samting bilong Timoti—em Ol Skripsa Grik i stori long em—na Andre i wankain? (Ap. 16:1; 1 Ti. 4:8; 2 Ti. 1:5) (2) Husat i strong long Andre i mas kamap gutpela long spot? Ol i mekim olsem wanem? (3) Husat i stiaim Timoti na Andre long makim gutpela rot long bihainim? Ol i mekim olsem wanem? (2 Ti. 1:1-4; 3:14, 15) (4) Tok i stap long Matyu 6:24 na Filipai 3:8 i mekim wanem long Andre? Dispela tok i mekim wanem long yu?
4 Selected Scenes (Sampela Hap Bilong Drama): Taim yu lukim pinis drama olgeta, lukim gen ol dispela hap hia, na bekim ol askim. “Paul and Timothy” (Pol na Timoti): Wanem laspela tok Pol i givim long Timoti? (2 Ti. 4:5) “Giving Jehovah Your Best” (Givim Bel Olgeta Long Wok Bilong Jehova): Yu laik winim wanem ol mak bilong spirit? “Taking a Stand for Jehovah” (Tingting Long Lotuim Jehova): Long wanem rot yumi inap stap amamas tru? “Grandmother’s Advice” (Gutpela Tok Bilong Bubu Meri): Sapos yu laik kisim biknem long graun bilong Satan, olsem wanem dispela inap nogutim yu? (Mt. 4:9) “No Regrets” (No Bel Hevi): Yu mas kliagut long wanem samting na bai yu inap i stap belgut na amamas?—Snd. 10:22.
5 Interviews (Ol Inteviu): Taim yu lukim olgeta wan wan hap, yu ting olsem wanem yu inap givim bel olgeta long wok bilong Jehova? (1) “Dedication to Vain Pursuits or to God?” (Dediket Long God o Long Ol Samting i No Gat As Bilong En?) (1 Jo. 2:17); (2) “Learning to Enjoy Your Ministry” (Lain Long Amamas Long Mekim Wok Autim Tok) (Sng. 27:14); na (3) “An Open Door to Service” (Rot i Op Long Mekim Wok).—Mt. 6:33.
6 Looking Back (Tingim Bek): Yu inap bekim? (1) Brata na sista i wok strong long mekim gut wanem samting? Bilong wanem ol i mekim olsem? (2) Ol i bin kamap gutpela long wok bilong ol o olsem wanem? (3) Wanem samting i bin kirapim ol long mekim sampela senis long laip bilong ol? (2 Ko. 5:15) (4) Wanem ol wok bilong God i senisim wok bipo ol i bin mekim? Bilong wanem ol i ting ol i no inap mekim tupela wok wantaim? (5) Ol i bel hevi long ol i bin senisim tingting long wanem samting i bikpela samting long laip bilong ol? (6) Wanem tok ol i mekim i bin kirapim yu long tingting long ol samting yu mas mekim long laip bilong yu?
7 Supplementary Interviews (Sampela Inteviu Moa): Long ol dispela inteviu, yu bin lainim wanem samting em dispela samting inap helpim yu long givim bel moa yet long wok bilong Jehova? (1) “The Value of Personal Study” (Pasin Bilong Stadi i Helpim Yu), (2) “Alternative Witnessing” (Ol Narapela Rot Bilong Autim Tok), (3) “Bethel Service” (Wok Long Betel), (4) “Gilead Missionary Training” (Skul Gileat Bilong Lainim Ol Misineri), na (5) “Ministerial Training School” (Ministerial Trening Skul). Lukim “Index to Published Information on Related Subjects,” na ritim sampela tok moa long samting yu gat laik long mekim.
8 Olsem wanem? Yu makim pinis samting yu laik mekim long laip bilong yu? Pol i tokim Timoti olsem: “Oltaim yu mas lukautim gut ol dispela wok bilong yu. Yu mas wok hat long mekim olgeta dispela wok i kamap gut, na bai olgeta manmeri i lukim pasin bilong yu yet i kamap gutpela tru.” (1 Ti. 4:15) Mipela i laik kirapim yu long tingim tingim long bel ol samting yu bin lukim na harim long dispela DVD. Askim Jehova long helpim yu long makim gutpela rot em dispela rot bai helpim yu long i stap belgut na amamas long nau, na long bihain tu.
[Blok long pes 5]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
To navigate around the menus, use the Next ▶, ◀ Back, and Main Menu buttons.