Web-sait Bilong Yumi—Yusim Bilong Mekim Stadi Bilong Yu Yet na Famili Lotu
Ritim Ol Nupela Magasin Long Intenet: Yu ken ritim nius The Watchtower na Awake! long Intenet em ol i save putim sampela wik paslain long yumi kisim long kongrigesen. Na yu ken harim tu ol rekoding bilong ol magasin.—Lukim long hap “Publications/Magazines.”
Ritim Ol Atikol i Stap Long Web-sait Tasol: Sampela atikol olsem “For Young People,” “My Bible Lessons,” “For Family Review,” na “Young People Ask,” nau ol i stap long Web-sait tasol. Yu ken go long Web-sait na skelim ol dispela atikol long taim yu mekim stadi bilong yu yet o mekim famili stadi.—Lukim long hap “Bible Teachings/Children” o “Bible Teachings/Teenagers.”
Ritim Ol Stori Bilong Ol Wok Samting Ol Witnes Bilong Jehova i Mekim Long Nau: Ritim ol gutpela stori bilong ol wok, ol ekspiriens, na lukim ol vidio i kamapim ol bikpela wok i wok long kamap long olgeta hap bilong graun. Ol stori bilong ol disasta na pasin birua i painim ol brata bilong yumi inap helpim yumi long kolim stret ol samting taim yumi beten bilong helpim ol brata i karim hevi. (Jems 5:16)—Lukim long hap “News.”
Yusim Online Library Bilong Mekim Wok Painimaut: Sapos Online Library i stap long tokples bilong yu, yu ken yusim kompiuta o fon bilong yu long ritim teks bilong de long Web-sait o yu inap yusim sampela nupela buk samting bilong yumi bilong mekim ol wok painimaut.—Lukim long hap “Publications/Online Library,” o taipim www.wol.jw.org long hap bilong atres na painim.
[Sat long pes 4]
(Bilong save ol dispela rait i stap we long pes, lukim buk o magasin)
Yu Ken Traim
1 Klik long piksa o tok “Download.” Piksa bai kamap long PDF program. Prinim na givim long ol pikinini bilong droim piksa o bekim sampela askim bilong Baibel.
2 Klik “Play” bilong lukim vidio.