Sapos Yu Mas Kisim Hariap Ol Buk Na Nius Long Narapela Tokples
Sampela taim yumi bungim ol manmeri em ol i laik ritim ol nius bilong yumi long narapela tokples em kongrigesen bilong yumi i nogat. Yu save olsem sapos yu gat Intenet na printa, yu yet inap prinim ol nius long samting olsem 400 tokples. Rot bilong mekim dispela em olsem:
• Go long www.watchtower.org, em Web-sait bilong yumi.
• Long han sut bilong home page, i gat lista bilong ol tokples. Klik long piksa bilong globe bilong lukim lista bilong ol tokples.
• Klik long tokples yu laikim. Wanpela blok bai kamap i soim ol nius yu ken prinim, kain olsem ol liklik nius, ol buklet na ol atikol.
• Klik long nius yu laikim. Em bai kamap long skrin. Bilong prinim dispela nius, yu ken klik long print.
Web-sait bilong yumi i gat sampela nius tasol; yu inap kisim sampela moa long rot bilong kongrigesen. Taim man i amamas long kisim ol nius, i gutpela yu putim oda long kisim ol nius long bukrum.
Ating bai yu kirap nogut long lukim olsem Web-sait bilong yumi i gat sampela nius long ol tokples bilong PNG, kain olsem long tokples Enga, Jiwaka, Hiri Motu, Melpa, Motu na Tok Pisin.