Web-sait Bilong Yumi—Yusim Long Autim Tok
Kirapim Ol Man Long Yusim Web-sait: Ol man husat i pret long toktok long yumi o kisim ol buk bilong yumi, ol i amamas long kisim gut save long ol Witnes Bilong Jehova long rot bilong lukim Web-sait jw.org taim ol i stap long haus bilong ol yet. Olsem na long olgeta taim rot i op, tokim ol man long dispela Web-sait.
Bekim Ol Askim: Sampela taim man bilong haus, man i laik save long Baibel, o wanwok bai gat askim long ol Witnes Bilong Jehova o long ol bilip bilong yumi. Yusim fon o kompiuta na soim em long ol bekim wantu. Na sapos i gat ol skripsa, i gutpela moa long ritim stret long Baibel. Sapos fon bilong yu i no gat Intenet, orait eksplenim long man hau long yusim Web-sait jw.org na em yet i ken painim ol bekim bilong ol askim bilong em.—Lukim long hap “Bible Teachings/Bible Questions Answered” o “About Us/Frequently Asked Questions.”
Salim Wanpela Atikol o Wanpela Buk o Magasin Olgeta Long Wanpela Yu Save Long En: Yu ken download long PDF na EPUB program na salim wantaim e-mail. O download long rekoding bilong buk samting i go long CD. Long olgeta taim yu download long Intenet long wanpela buk, buklet, o magasin olgeta na givim long wanpela i no baptais Witnes, yu inap kaunim dispela olsem samting yu tilim. No ken salim nating ol buk samting long man yu no save long en, na no ken salim planti tumas. Na tu, no ken download long en na putim long narapela Web-sait.—Lukim long hap “Publications.”
Soim Stori Long Ol Wok Samting Ol Witnes Bilong Jehova i Mekim Long Nau: Dispela bai helpim ol Baibel sumatin na ol arapela yu toktok wantaim ol long pilim tru wok yumi mekim long olgeta hap bilong graun na pasin wanbel bilong yumi. (Sng. 133:1)—Lukim long hap“News.”
[Sat long pes 5]
(Bilong save ol dispela rait i stap we long pes, lukim buk o magasin)
Yu Ken Traim
1 Yu ken painim ol samting yu laik download long en aninit long hap “Publication,” na klik long tok o rekoding em yu laikim.
2 Klik long hap MP3 na em bai soim lista bilong ol wan wan atikol. Klik long het tok bilong atikol yu laik download long en o ▸ harim long Intenet.
3 Makim long dispela lista tokples yu laikim, na download long buk samting long dispela tokples.