Yusim Web-sait Bilong Yumi Taim Yumi Autim Tok—“Bible Questions Answered”

Long hap “Bible Teachings” long jw.org, i gat wanpela hap nem bilong en “Bible Questions Answered.” Sapos yumi save gut long ol dispela askim em planti man i save kamapim, yumi inap stiaim man bilong haus i go stret long Web-sait bilong kisim bekim long rot bilong ol tok bilong Baibel. Yumi inap yusim tu ol dispela askim bilong kirapim tok taim yumi autim tok. Makim wanpela askim em planti man long teritori i laik save long en, askim man long tingting bilong em, na bihain tokim em olsem Baibel i bekim dispela askim, na yusim ol tok i stap long jw.org na toktok gut long em. Bihain, stori gut o soim em long yumi kisim we dispela save. Narapela rot em olsem, yu ken tokim em long ritim stret bekim long Web-sait. Meri bilong wanpela wasman raun long Amerika i bin mekim gutpela wok long dispela, em i tok: “Planti man i laik save, ‘Is God to blame for our suffering?” Yu laik save long bekim bilong dispela askim insait long 51 seken tasol?” Em i soim rekoding bilong dispela bekim em i bin daunlodim long fon bilong em. Na nau em i kirap stiaim man i go long sapta 11 long buk Baibel i Tok.