Yusim jw.org Taim Yu Autim Tok—“Become Jehovah’s Friend”

Long jw.org Web-sait i gat wanpela hap “Bible Teachings” na em i gat hap bilong ol pikinini nem bilong en “Become Jehovah’s Friend,” long dispela hap i gat ol singsing, vidio, na ol samting em ol pikinini i ken mekim. Yu bin traim yusim dispela hap long autim tok? Sapos yu stadi long Baibel wantaim papa o mama i gat ol liklik pikinini, i gutpela long soim dispela hap long em. Dispela inap kirapim em long painim ol narapela hap bilong Web-sait bilong yumi.

Wanpela brata i bin tilim Kingdom Nius Namba 38, na em i bungim wanpela meri na taim em i givim liklik nius long meri wantu meri i ritim. Meri i gat ol pikinini na ol i laik save long dispela liklik nius. Brata i stori liklik long ol bikpela tok na tokim ol long Web-sait long baksait bilong liklik nius. Dispela meri i laik harim tok, olsem na brata i soim em na ol pikinini long wanpela vidio bilong Kalep, brata i yusim fon bilong em yet.

Wanpela sista i tokim wanwok bilong em—husat i gat ol pikinini—long Web-sait bilong yumi na ol tok bilong helpim ol famili. Meri na ol pikinini bilong em i sekim jw.org Web-sait. Bihain, em i tokim sista olsem taim ol pikinini bilong em i raun insait long haus ol i save mekim singsing “Preach the Word” (“Autim Tok Bilong Em”), em wanpela singsing long hap “Become Jehovah’s Friend.”

I gutpela long save gut long dispela hap bilong jw.org na daunlodim ol vidio, singsing o ol samting ol pikinini i ken mekim, long fon bilong yu. Long dispela rot yu inap yusim dispela hap bilong jw.org taim yu autim tok. Em i gutpela tul tru bilong helpim yumi long mekim wok olsem wokboi bilong Bikpela!—Apo. 20:19.