Wai na Yumi Mas Lusim Hariap?

Taim yumi stap long grup bilong autim tok, em nomol long yumi laik toktok wantaim ol bratasista. Tasol taim bung bilong autim tok i pinis, yumi mas traim long lusim hariap na go long teritori. Yumi mas givim bel tru long autim tok. (2 Tim. 4:2) Sapos yumi stori stori na yumi no go kwiktaim long teritori, yumi no inap i gat bikpela taim long autim tok. Bai i gat planti rot long toktok na strongim ol narapela pablisa taim yumi wok wantaim ol long autim tok. Pasin bilong lusim kwik ples bilong bung na yumi no westim taim dispela i kamapim klia pasin bilong wok strong olsem wokboi bilong Jehova na Pikinini bilong em.—Rom 12:11.