Web-sait Bilong Yumi—Bilong Helpim Yumi na Ol Narapela
Jisas i tokim yumi long autim gutnius bilong Kingdom “long olgeta hap bilong graun na bai olgeta lain man i ken harim.” (Mat. 24:14) Bilong helpim yumi long ‘inapim tru wok bilong God yumi mekim,’ ol i bungim wantaim watchtower.org, jw-media.org, na jw.org Web-sait na stretim gen olsem jw.org.—2 Tim. 4:5.
“Long Olgeta Hap Bilong Graun”: Inap 30 pesen bilong olgeta man bilong graun i save yusim Intenet. Intenet i kamap nambawan rot bilong planti man inap kisim ol tok, moa yet ol yangpela. Web-sait bilong yumi i helpim ol man husat i save yusim Intenet long kisim bekim long Baibel long ol askim bilong ol. Em i opim rot long ol i kisim save long oganaisesen bilong Jehova na em i isi long ol i askim wanpela long mekim Baibel stadi wantaim ol, i nogat pe. Olsem na gutnius inap i go long ol hap we wan wan man tasol i gat rot long harim gutnius bilong Kingdom.
“Olgeta Lain Man”: Bilong autim gutnius long “olgeta lain man,” yumi mas autim tok i tru bilong Baibel long ol narapela narapela tokples. Ol man i save go long jw.org Web-sait long Intenet, em i isi long ol i kisim ol tok long 400 samting tokples, winim ol narapela Web-sait.
Mekim Gutpela Wok Long En: Dispela Web-sait, jw.org em ol i stretim gen, ol i no putim bilong autim tok tasol long ol man i no bilip, nogat. Ol Witnes Bilong Jehova tu i ken yusim. Sapos kompiuta bilong yu i gat Intenet, mipela i kirapim yu long kisim save long dispela Web-sait jw.org. Em hia sampela rot bilong helpim yu long yusim.
[Sat long pes 3]
(For fully formatted text, see publication)
Yu Ken Traim
1 Taipim atres www.jw.org long hap bilong putim ol atres long Intenet, long kompiuta bilong yu.
2 Yu ken lukim ol narapela hap bilong dispela Web-sait taim yu presim hap i gat headings, menu options, na links.
3 Yu ken yusim fon bilong yu tu long sekim jw.org Web-sait, sapos yu gat Intenet long mobail fon bilong yu. Ol i mekim ol pes i liklik bilong fit stret long fon, tasol olgeta tok i wankain.