Yusim jw.org Taim Yu Autim Tok

Web-sait bilong yumi i gutpela tul tru bilong helpim yumi long autim gutnius “i go inap long olgeta hap bilong graun.” (Apo. 1:8) Planti man bilong haus, ol yet i no inap long painim jw.org Web-sait. Tasol ol inap lain taim wanpela pablisa i soim ol.

Wanpela wasman raun i bin daunlodim vidio Wai na i Gutpela Long Stadi Long Baibel? long fon bilong em na taim rot i op em i save soim long ol man. Olsem, taim em i autim tok long ol haus, em i tok: “Mi raun liklik na helpim ol man long kisim bekim bilong tripela bikpela askim: Bilong wanem i gat planti hevi long graun? God bai mekim wanem bilong stretim? Olsem wanem yumi inap sanap strong na winim ol dispela hevi long nau? Dispela sotpela vidio bai bekim ol dispela askim.” Bihain em i presim pilai baten long fon na lukluk long man bai mekim wanem. Vidio i pulim ai bilong planti man na ai bilong ol i stap tasol long vidio inap vidio i pinis. Bihain wasman raun i tok: “Nau tasol yu harim olsem yu inap raitim nem bilong yu long fom i stap long Intenet na kisim wanpela Baibel stadi kos. Tasol nau mi inap soim yu kwik pasin bilong mekim Baibel stadi.” Sapos man i amamas, em i save soim pasin bilong mekim Baibel stadi long rot bilong buklet Gutpela Nius. Sapos man i no gat taim, em i save stretim rot long soim long man long narapela taim em i go bek. Taim em i go long haus kaikai, em i save stori gut wantaim man husat i sindaun klostu long em na bihain em i mekim wankain pasin long soim vidio long man. Olsem wanem? Yu save yusim jw.org Web-sait taim yu autim tok?