Rot Bilong Autim Tok

Wok Bilong Tilim Invatesen Pepa Bilong Memorial

“Mipela i laik givim dispela invatesen pepa long yu na famili bilong yu bilong singautim yupela i kam long wanpela bikpela bung bai kamap long olgeta hap bilong graun long Mas 26. Dispela de em bilong tingim indai bilong Jisas. Bai i gat wanpela tok bilong Baibel i kamap na olgeta man i ken harim na i no gat pe, tok bai stori long samting indai bilong Jisas i mekim bilong helpim yumi. Dispela invatesen pepa i gat taim, det, na ples dispela miting bai kamap.”

Wastaua Mas 1

“Sampela man i gat dispela askim, ‘Olsem wanem yumi save olsem tru tru Jisas i bin kirap bek?’ Sampela taim yu bin tingting long dispela? [Larim man i bekim tok.] Lukim as na bekim bilong dispela askim i bikpela samting. [Ritim 1 Korin 15:14.] Dispela magasin i kamapim as na yumi save kirap bek bilong Jisas em i no wanpela stori nating.”

Kirap! Mas

“Ating yu wanbel olsem long nau i hatwok tru long lukautim famili na mekim bikpela long ol, a? [Larim man i bekim tok.] Planti papamama i bihainim ol gutpela savetok bilong Baibel long helpim ol. Olsem, dispela skripsa i helpim ol papa long painim rot long mekim tok amamas long ol pikinini na helpim ol long bilip long ol yet. [Ritim Kolosi 3:21.] Dispela stori i kamapim faivpela stiatok bilong Baibel bilong helpim ol papa.”