“Mi Kam Long Wanem . . . ”

Taim man bilong haus i opim dua na i lukim yumi, ating em bai laik save long yumi husat na yumi go bilong mekim wanem. Bai yumi tok wanem na em i no ken tingting planti? Bihain long tok moning, sampela pablisa i save mekim dispela tok “long wanem” bilong tokim man bilong haus long risen na ol i kam. Ating ol i tok: “Mipela i kam lukim yupela, long wanem, planti man i tingting planti olsem pasin nogut i go bikpela. Yu gat wanem tingting . . . ” o “Mi kam long wanem mipela i save mekim Baibel stadi wantaim ol man, no gat pe.” Sapos long kirap bilong tok yu tokim man long risen na yu go lukim em, ating em bai amamas long putim yau long samting yu bai stori long en.