Rot Bilong Autim Tok

Bilong Tilim Invatesen Pepa Bilong Memorial

“Mipela i wok long tilim invatesen pepa bilong singautim ol man long kam long wanpela bikpela bung. Long Epril 14, planti milion manmeri bilong olgeta hap bilong graun bai bung bilong tingim dai bilong Jisas Krais na harim wanpela tok bilong Baibel long olsem wanem dai bilong Jisas i helpim yumi. Dispela invatesen pepa i gat toksave long ples na taim dispela miting bai kamap long en.”

Wastaua Epril 1

“Mipela i raun na stori liklik long wanpela samting em planti man i save mekim. Maski olgeta man i gat lotu bilong ol yet, yumi olgeta i save mekim beten. Yu ting God i save harim ol beten? O yu ting beten i givim bel isi long yumi na yumi no wari tumas long ol hevi bilong yumi? [Larim man i bekim tok.] Lukim tok Baibel i mekim long beten. [Ritim 1 Jon 5:14.] Dispela magasin i stori long olsem wanem beten i helpim yumi.”

Kirap! Epril

“Mipela i laik helpim ol man long luksave long wanpela pasin em nau planti man i wok long mekim. Sampela man i pilim olsem hevi bilong ol i bikpela tumas na ol i tingting long suasaid. Taim hevi i daunim tru man, yu ting tru tru em i gat laik long dai? O yu ting em i gat laik long pinisim tasol pen na hevi bilong em? [Larim man i bekim tok.] Lukim dispela tok promis bilong Baibel we i bin helpim planti man long holim stretpela tingting long dispela. [Ritim Revelesen 21:3, 4.] Dispela magasin i kamapim 3-pela gutpela as na man i mas lukautim laip bilong em maski em i karim planti hevi long nau.”