Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Disemba 28, 2015. Mipela i putim tu ol det long braket i makim wik ol i bin mekim dispela tok, na dispela bai helpim yupela long mekim wok painimaut taim yupela i redim miting bilong Skul Tiokratik long olgeta wik.
Taim ol man i ritim 1 Stori 20:3, sampela i ting Devit i mekim nogut tru long ol lain em i daunim long pait. Yu ting dispela tingting i stret? Bilong wanem? [Nov. 2, w05 2/15 p. 27]
Wanem samting i kirapim Devit na em i givim ol samting? Wanem samting bai kirapim yumi tu long givim ol samting? (1 Sto. 22:5) [Nov. 9, w05 10/1 p. 11 par. 6]
Taim Devit i tokim Solomon olsem, “[“Yu mas save,” NW] long God bilong papa bilong yu,” wanem mining bilong dispela tok? (1 Sto. 28:9) [Nov. 16, w10 11/1 p. 30 par. 3, 7]
Beten bilong Solomon long 2 Stori 1:10 i givim wanem save long yumi long pasin bilong em? Yumi inap luksave long wanem ol samting taim yumi skelim ol beten yumi yet i mekim long Jehova? (2 Sto. 1:10, 11, 12) [Nov. 23, w05 12/1 p. 19 par. 6]
Olsem 2 Stori 6:29, 30 i kamapim, Jehova inap mekim wanem gutpela wok? Wai na yumi mas beten na kamapim olgeta tingting i stap long bel bilong yumi? (Sng. 55:22) [Nov. 30, w10 12/1 p. 11 par. 7]
Wai na Asa i beten askim God long helpim lain bilong em long winim pait na daunim bikpela lain ami? Yumi mekim pait long Satan na ol spirit nogut, olsem na yumi ken bilip tru long wanem samting? (2 Sto. 14:11) [Dis. 7, w12 8/15 p. 8 par. 6–p. 9 par. 1]
Taim King Jehosafat i mekim rong, pasin em Jehova i soim long em i givim wanem save long yumi long pasin laikim bilong God? Dispela i mas kirapim yumi long holim wanem tingting long ol narapela? (2 Sto. 19:3) [Dis. 14, w03 7/1 p. 17 par. 13; cl p. 244 par. 12]
Wai na yumi mas sanap long ples bilong yumi na “lukluk tasol”? (2 Sto. 20:17) [Dis. 21, w05 12/1 p. 21 par. 1; w03 6/1 p. 21 par. 15-16]
Long 2 Stori 21:20, yumi kisim wanem skul long indai bilong Jehoram? [Dis 21, w98 11/15 p. 32 par. 4]
Olsem 2 Stori 26:4, 5 i stori long en, husat i stiaim gut yangpela Usia? Olsem wanem ol yangpela Kristen long nau inap kisim helpim long ol Kristen i gat bikpela krismas insait long kongrigesen? [Dis. 28, w07 12/15 p. 10 par. 2, 4]