Mekim Wok Autim Tok I Kamap Gutpela moa​—Skulim Ol Sumatin Long Redi Gut

RISEN: Sapos ol Baibel sumatin i redim gut stadi, ol bai kliagut na tingim ol tok yumi skulim ol long en. Dispela bai helpim ol long kamap strong long bilip. Na tu, bihain long ol i kisim baptais, ol i mas wok yet long redim ol miting na insait yet long wok autim tok bambai ol inap “was i stap.” (Mt 25:13) Olsem na sapos ol sumatin i bihainim gutpela sediul na mekim stadi bilong ol, dispela bai helpim ol long laip olgeta. Taim yu kirap long stadi wantaim sumatin, i gutpela long helpim ol long kisim pasin bilong redim gut stadi bilong ol.

ROT BILONG MEKIM:

• 

  Stap olsem gutpela eksampel. (Ro 2:21) Tisa i mas tingim sumatin taim em i redim stadi. (km 11/15 3) Larim em i lukim buk yu bin makim bilong mekim stadi

• 

  Kirapim em long redim stadi. Taim yu kirapim stadi wantaim wanpela, tokim em olsem pasin bilong redim gut stadi bai helpim em. Kolim sampela rot long olsem wanem em yet inap makim haptaim bilong redim stadi bilong em. Sampela tisa i save larim sumatin long lukluk long buk bilong ol long taim bilong stadi, na dispela bai helpim sumatin long luksave olsem em i mas redi gut. Tok amamas long sumatin taim em i redi gut

• Soim em long olsem wanem em inap long redim stadi. Sampela tisa i save skulim ol sumatin long pasin bilong redim stadi long namba 1 taim