Yu Luksave Long Ol Bekim Bilong Beten?

Baibel i gat planti eksampel bilong ol beten em Jehova i bin bekim. Taim ol wokman bilong Jehova i lukim hau Jehova i harim beten bilong ol wan wan na helpim ol, bilip bilong ol i kamap strong. Olsem na em gutpela long yumi kolim stret ol samting long beten bilong yumi na luksave long hau Jehova i bekim dispela beten. Tingim olsem em bai bekim beten long narapela rot o givim planti moa winim ol samting yumi askim long en. (2Ko 12:7-9; Ef 3:20) Jehova inap mekim wanem bilong bekim ol beten bilong yumi?

• Givim strong long bodi, bel na tingting, na strongim yumi long bilip na bai yumi karim hevi.​—Fl 4:13.

• Savetingting bilong mekim gutpela disisen.​—Jem 1:5

• Laik na strong long mekim samting.​—Fl 2:13

• Bel isi taim yumi wari na tingting planti.​—Fl 4:6, 7

• Ol narapela i helpim yumi long ol samting yumi nidim na mekim gut bel bilong yumi.​—1Jo 3:17, 18

• Helpim ol lain yumi tingim ol long beten.​—Ap 12:5, 11

WATSIM VIDIO JEHOVA EM MAN BILONG “HARIM BETEN,” NA BIHAIN BEKIM OL DISPELA ASKIM:

• Hau bai ekspiriens bilong Brata Shimizu i strongim yumi sapos helt bilong yumi i pasim yumi long mekim bikpela wok moa?

• Hau bai yumi inap bihainim eksampel bilong Brata Shimizu?