God i Tingim Tru Yu
BAIBEL i gat gutpela edvais tru bilong helpim yumi bikos em i kam long God. Baibel i no wanpela buk bilong helt, tasol ol tok bilong en inap helpim yumi long karim ol hevi. Em inap helpim yumi long taim tingting i no stap isi, taim yumi bel hevi tru, na taim yumi gat sik na sik bilong tingting.
Bikpela samting tru, Baibel i strongim yumi olsem Krieta bilong yumi, Jehova God,a i kliagut long tingting na filings bilong yumi winim ol narapela man. Em i laik tru long helpim yumi long karim wanem wanem hevi yumi bungim. Tingim dispela tupela skripsa long Baibel we i mekim isi bel bilong yumi:
“Jehova i save stap klostu long ol manmeri em hevi i daunim tru ol; na em i save kisim bek ol manmeri bel bilong ol i bagarap.”—BUK SONG 34:18.
“Mi, Jehova, God bilong yu, mi wok long holim rait han bilong yu, mi tokim yu, ‘Yu no ken pret. Mi bai helpim yu.’”—AISAIA 41:13.
Tasol olsem wanem Jehova i helpim yumi long karim hevi bilong sik bilong tingting? Bai yu lukim long ol atikol i kamap bihain, Jehova i soim olsem em i tingim tru yumi na helpim yumi long kain kain rot.
a Jehova em nem bilong God.—Buk Song 83:18.