B1
Bikpela Tok Bilong Baibel
Jehova God i gat rait long mekim wok bos. Wei bilong em long mekim wok bos i nambawan tru. Ol samting em i tingting pinis long mekim long graun na long ol man bai kamap tru.
Bihain long 4026 B.C.E. “Snek” i kwestenim rait bilong Jehova long mekim wok bos na wei bilong em long mekim wok bos. Jehova i tok promis long kamapim wanpela “pikinini,” na dispela pikinini bai krungutim snek, em Satan. (Stat 3:1-5, 15) Tasol Jehova i larim sampela haptaim i lus na bai ol man i ken bosim ol yet aninit long strong bilong dispela snek. |
1943 B.C.E. Jehova i tokim Abraham olsem dispela “pikinini” bilong promis bai kamap long lain tumbuna pikinini bilong em.—Stat 22:18. |
Bihain long 1070 B.C.E. Jehova i tokim King Devit na bihain pikinini bilong em Solomon olsem dispela “pikinini” bilong promis bai kamap long lain famili bilong ol.—2 Samuel 7:12, 16; 1 King 9:3-5; Aisaia 9:6, 7. |
29 C.E. Jehova i tokaut olsem Jisas em dispela “pikinini” bilong promis husat bai kisim ples bilong Devit na sindaun long sia king bilong em.—Galesia 3:16; Luk 1:31-33;3:21, 22. |
33 C.E. Inap sotpela taim dispela snek, Satan, i pasim “pikinini” bilong promis taim em i kirapim ol man long kilim Jisas i dai. Jehova i kirapim bek Jisas na em i go long heven. God i orait long pe bilong gutpela laip bilong Jisas na dispela i opim rot long God i ken fogivim sin na givim laip oltaim long ol tumbuna pikinini bilong Adam.—Stat 3:15; Aposel 2:32-36; 1 Korin 15:21, 22. |
1914 C.E. samting Jisas i tromoi dispela snek, Satan, i kam daun long graun, na em i stap sotpela taim tasol long graun.—Revelesen 12:7-9, 12. |
Bihain Jisas bai kalabusim Satan inap 1,000 yia na bihain em bai krungutim het bilong Satan, dispela i makim olsem em bai pinisim Satan. Ol samting Jehova i tingting pinis long mekim long graun na long ol manmeri bai kamap tru, em bai stretim bek gutnem bilong em na kamapim olsem wei bilong em long mekim wok bos i stret.—Revelesen 20:1-3, 10; 21:3, 4. |