Yu Save?

(Yu inap painim ol bekim bilong ol dispela askim long Baibel, na tu, bekim bilong ol i stap long pes 27. Bilong kisim sampela save moa, lukim buk “Insight on the Scriptures,” em Sosaiti Wastaua bilong Nu Yok i wokim.)

1. Pastaim Jisas i bin tokim ol disaipel bilong em long ol i no ken karim wanem samting taim ol i autim tok, tasol bihain em i tokim ol long kisim? (Luk 9:3; 22:​35, 36)

2. God i tambuim olgeta manmeri long kaikai blut, tasol wanem samting em i tambuim lain Israel tasol long kaikai? (Wok Pris 3:​17)

3. Gideon i bin i stap long wanem ples taim ensel bilong Jehova i tokim em long kamap man bilong kisim bek ol Israel? (Hetman 6:​11-​14)

4. Namel long 400 samting profet, husat wanpela tasol i bin mekim tok tru long King Ahap long ol samting bai painim em taim em i mekim pait long lain Siria? (1 King 22:⁠13)

5. Wanem skel bilong mana em olgeta wan wan Israel i mas kisim long olgeta de taim ol i wokabaut inap 40 yia long ples wesan nng? (Kisim Bek 16:16)

6. Olsem tok profet i makim, strongpela biktaun Ninive bai kamap wanem samting? (Sefanaia 2:​13)

7. Moses i dai antap long wanem maunten bihain long em i lukim pinis Graun Bilong Promis? (Lo 32:​49, 50)

8. Taim Pita i toktok long ol Kristen i save go bek long olpela pasin bilong ol, em i tok ol i olsem wanem kain animal i save go bek na tantanim long graun malumalum bihain long em i waswas pinis? (2 Pita 2:⁠22)

9. Sindaun 23:27 i tok meri pamuk i olsem wanem samting?

10. Festus i mekim wok long wanem nem bilong makim Sisar Nero? (Aposel 25:​21, NW)

11. Husat tupela wasman bilong raun i bin i stap wantaim Timoti long Korin taim ol i salim gude na ol tok bilong strongim kongrigesen long Tesalonaika? (1 Tesalonaika 1:⁠1)

12. Jems i tok, God i save laikim wanem pasin i olsem “stret olgeta na i no gat asua” sapos man i no larim pasin bilong dispela graun i mekim em i kamap doti? (Jems 1:⁠27)

13. Hamas taim long olgeta yia, ol man tasol bilong Israel ol i mas kam mekim lotu long Jehova long Jerusalem? (Lo 16:16)

14. Jisas i bin kaikai wanem bilong kamapim klia long ol aposel bilong em olsem ol i no lukim wanpela tewel taim em i kamap long ol bihain long em i kirap bek? (Luk 24:​36-​43)

15. Song 146:3 i tok ol man i no inap kisim bek yu, olsem na yu no ken mekim wanem?

16. Ol i haitim liklik pikinini Moses namel long wanem kain ol samting bambai king bilong Isip i no ken kilim em i dai? (Kisim Bek 2:⁠3)

17. Wanem god giaman bilong ol Filistia i bagarap klostu long bokis kontrak bilong Jehova? (1 Samuel 5:​2-7)

18. God i save kolim wanem samting olsem ples em i putim lek bilong em antap long en? (Aposel 7:​49)

19. Wanem kain gutpela diwai i no gat planti bilong en em ol i bin mekim wok long en bilong wokim tempel na ol samting bilong wokim musik? (1 King 10:​12, NW)

20. Husat King bilong Isip i tokim King Josaia long tok bilong God tasol Josaia i bikhet, olsem na ol i bin kilim em i dai? (2 Stori 35:⁠22)

21. Wanem samting i no pasim moa wanpela meri long taim man bilong em i dai pinis? (Rom 7:⁠3)

[Blok long pes 27]

Ol Bekim

1. Hanbek i gat kaikai

2. Gris

3. Long Ofra

4. Mikaia

5. Liklik sospen

6. Ples drai nating na i no gat man i stap long en

7. Maunten Nebo

8. Pik

9. Hul i daun moa

10. Ogas Namba Wan

11. Pol na Sailas

12. Pasin bilong Kristen i stap stret olgeta

13. Tripela taim

14. Hap pis ol i bin kukim

15. No ken bilip long ol king na ol man bilong dispela graun

16. Ol pitpit

17. Dagon

18. Dispela graun

19. Diwai almug

20. Neko

21. Lo bilong em