Nius i Kam Long Olgeta Hap

Saina

Long Beijing long 2013, insait long 9-pela mun namba bilong ol man i katim marit i go antap inap olsem 41 pesen taim ol i skelim wantaim wanpela wok painimaut long 2012. Ol saveman i tok wanpela as na ol marit i mekim olsem em long abrusim lo bilong baim 20 pesen takis long mani ol i kisim taim ol i salim haus bilong ol. Ol inap baim liklik takis tasol sapos ol i brukim marit na ol i salim namba 2 haus bilong ol.

Graun Olgeta

Yunaitet Nesen i tok sapos planti man i kaikai ol binatang samting, dispela inap daunim pasin bilong i stap hangre. Wanpela ripot i tok ol binatang em ol man inap kaikai i gat gutpela marasin bikos ol inap kaikai ol samting em man i no inap kaikai. Na tu, “ol man inap kaikai ol binatang sapos i no gat mit bilong animal.” Tasol dispela ripot i tokaut tu olsem, “long sampela hap ol man i no laik kaikai” ol binatang.

Kanada

Ol klinik i no save ol bai mekim wanem long ol kiau i gat spem long en em ol i putim long frisa, bikos ol i no save husat i papa o mama bilong en. Wanpela klinik i lukautim 1,000 kiau we inap kamap bebi, tasol ol “i no save long ol man na meri” husat i bin givim ol dispela kiau.

Aialan

Wanpela lain i no bilip long lotu i stretim marit

Kirap long 2013, ol Katolik i stap long Aialan na ol i laik marit, ol i mas larim lotu o gavman i stretim marit bilong ol. Tasol nau i gat rot long wanpela lain i no bilip long lotu i ken stretim ol marit. Nius Reuters i tok: “Planti man moa i laik stretim marit long gavman olsem rejistaim marit, tasol ol i no laik bai lotu i wokim bung bilong marit na dispela i kamapim bikpela hevi” long ol lain i save stretim marit em ol i no bilip long lotu.