Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • g21 no. 2 p. 13-15
  • Ol Elektronik Divais i Mekim Wanem Long Tingting?

No gat vidio bilong dispela seksen.

Sori, popaia kamap long lodim vidio.

  • Ol Elektronik Divais i Mekim Wanem Long Tingting?
  • Kirap!—2021
  • Ol Liklik Het Tok
  • Wankain Infomesen
  • SAMTING YU MAS SAVE
  • SAMTING YU KEN MEKIM
  • I Stap Wanpela Tasol, i Gat Gutpela Samting Bilong En
    Kirap!—1998
  • Long Dispela Nius
    Kirap!—2021
  • Introdaksen
    Kirap!—2021
  • Ol Elektronik Divais i Mekim Wanem Long Ol Marit?
    Kirap!—2021
Lukim Moa
Kirap!—2021
g21 no. 2 p. 13-15
Wanpela man i watsim vidio taim em i kuk.

Ol Elektronik Divais I Mekim Wanem Long Tingting?

Ol manmeri i wok yet long lainim ol samting—long skul, long wok, o long ol narapela samting. Ol elektronik divais inap helpim ol man long lainim ol samting. Winim olgeta taim bipo, nau em isi tru long kisim ol infomesen, yu no gat wok long lusim haus bilong yu o kirap long sia bilong yu.

Tasol planti em ol i yusim tumas ol elektronik divais ol i bungim ol dispela hevi . . .

  • ol i hatwok long putim tingting long samting ol i ritim.

  • ol i hatwok long putim tingting long wanpela samting tasol.

  • ol i pilim boring hariap taim ol i stap wanpis.

SAMTING YU MAS SAVE

Wanpela tineja gel i mekim planti samting long seim taim. Em i taipim teks mesis long fon, toktok wantaim pren long vidio kol, na yusim kompiuta na buk long stadi.

TAIM YU RIT

Ol manmeri i save yusim ol elektronik divais, ol i no gat pasin bilong stap isi na ritim gut buk olgeta, ol i save lukluk hariap tasol long ol bikpela tok.

Pasin bilong rit hariap i gutpela taim yu laik painim hariap bekim bilong wanpela askim. Tasol sapos yu laik kliagut long wanpela topik, pasin bilong rit hariap i no gutpela.

SAMTING BILONG TINGIM: Yu inap ritim gut wanpela longpela atikol? Olsem wanem pasin bilong rit gut inap helpim yu long kisim gut save?—PROVEP 18:15.

PUTIM TINGTING LONG WANPELA SAMTING

Sampela manmeri i ting ol inap yusim ol elektronik divais long mekim tupela samting long seim taim—olsem, salim teks long pren bilong ol na mekim stadi tu. Tasol taim tingting i bruk, ol i no inap mekim gut tupela samting wantaim, moa yet taim ol i mas putim tingting long dispela tupela samting wantaim.

Bilong putim tingting long wanpela samting, yu mas bosim gut yu yet na dispela bai helpim yu. Wanpela tineja nem bilong em Grace i tok: “Taim yu mekim olsem, bai yu no mekim planti popaia na yu no pilim presa. Mi kisim save olsem em gutpela long putim tingting long wanpela samting tasol na abrusim pasin bilong mekim planti samting long wankain taim.”

SAMTING BILONG TINGIM: Pasin bilong salim teks, e-meil, na ring long seim taim inap mekim wanem long pasin bilong yu long skelim gut ol samting na tingim samting yu stadi long en?—PROVEP 17:24.

STAP WANPIS

Sampela manmeri taim ol stap wanpis, ol i save yusim ol elektronik divais na bai ol i pilim olsem ol i no stap wanpis. Wanpela meri nem bilong em Olivia i tok: “Mi save pilim boring long stap nating inap 15 minit sapos mi no sekim fon, o teblet, o onim TV.”

Tasol pasin bilong stap wanpis sampela taim i gutpela bilong helpim yumi long wokim gut tingting—em gutpela taim bilong lainim ol samting, i no ol yangpela tasol, ol man i bikpela pinis tu inap lainim ol samting.

SAMTING BILONG TINGIM: Taim yu stap wanpis, yu save yusim dispela haptaim bilong tingim tingim ol samting? —1 TIMOTI 4:15.

SAMTING YU KEN MEKIM

SKELIM PASIN BILONG YU LONG YUSIM OL ELETRONIK DIVAIS

Long wanem ol rot yu inap yusim ol elektronik divais bilong helpim yu long lainim ol samting? Ol elektronik divais inap mekim wanem long pasin bilong yu long putim tingting long ol samting na lainim samting?

STIATOK BILONG BAIBEL: “Banisim gut savetingting na pasin bilong wokim gut tingting.”—PROVEP 3:21.

ASKIM YU YET . . .

  • Mi hatwok long putim tingting long wanpela longpela atikol mi ritim long skrin? Sapos olsem, wanem samting i pulim tingting bilong mi?

  • Mi ken mekim wanem na bai ol dispela samting i no pulim tingting bilong mi?

Traim dispela: Ritim wanpela paragraf pastaim na bihain isi isi ritim ol narapela paragraf. Ritim strong na isi isi na dispela bai helpim yu long putim tingting long samting yu ritim.

  • Mi ken mekim wanem ol samting na bai mi gat inap taim bilong tingim tingim ol samting mi ritim?

Traim dispela: Yusim laspela 10 minit long stadi bilong yu bilong riviu long ol samting yu lainim.

  • Long wanem ol taim yu inap traim long mekim planti samting long wankain taim?

  • Mi ken mekim wanem bilong putim tingting bilong mi long wanpela samting tasol?

Traim dispela: Taim yu stadi, putim ol samting bai pulim tingting bilong yu long narapela hap na bai yu inap putim tingting long samting yu stadi long en.

STIATOK BILONG BAIBEL: “Kisim savetingting, kisim pasin bilong kliagut long ol samting.”—PROVEP 4:5.

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim