Husat Em i God Tru?

I gat wanpela trupela God tasol i stap, na Jehova em nem bilong em. Baibel i tok: “Ol manmeri i mas save olsem yu, nem bilong yu Jehova, yu wanpela tasol yu God Antap Tru na yu bosim olgeta hap bilong graun.” (Song 83:18, NW) Em i wanpela Spirit; yumi no inap lukim em. Em i laikim tru yumi na em i laik bai yumi laikim em. Na tu, em i laik bai yumi laikim ol narapela man. (Matyu 22:35-40) Em i Nambawan Bikpela, Krieta bilong olgeta samting.

Namba wan samting God i wokim, em i wanpela strongpela spirit. Bihain ol i kolim em Jisas Krais. Jehova i bin wokim tu ol ensel.

Jehova i wokim olgeta samting long heven . . . na long graun.—Revelesen 4:11

God Jehova i wokim ol sta, na tu, em i wokim graun na olgeta samting i stap long en.—Stat 1:1.

Em i kisim graun na wokim namba wan man, Adam.—Stat 2:7.