Husat i Wokim Yu?

1 God i wokim heven na graun.​—⁠Stat 1:1

2 God em i gat nem. Nem bilong em Jehova.​—⁠Lukim sta daunbilo bilong Kisim Bek 3:15

Jehova i stap long heven. Em i spirit. Yu no inap lukim em.​—⁠Aisaia 66:1; Jon 1:18; 4:24

3 God Jehova i wokim planti ensel long heven. Ol tu i spirit. Olgeta i gutpela. Bipo, sampela taim ol i tanim i kamap man bambai ol man inap lukim ol.​—⁠Hibru 1:7

4 Bipo bipo tru God Jehova i wokim ol animal, taim em i no wokim yet ol man.​—⁠Stat 1:25

5 Jehova i wokim wanpela man nem bilong em Adam, na meri bilong em nem bilong em Iv.​—⁠Stat 1:27

God i putim tupela long wanpela gutpela ples o paradais. Em i wokim wanpela meri tasol bilong Adam. Man i mas i stap wantaim dispela wanpela meri bilong em.​—⁠Stat 2:8, 21, 22, 24

6 Man em i gat laip.​—⁠Stat 2:7

7 Ol animal tu ol i samting i gat laip.​—⁠Stat 1:24